سیدنا ابوذر رضی اللہ عنہ فرماتے ہیں: ہم لوگ ایک سفر میں نبی اکرم صلی اللہ علیہ وسلم کے ہمراہ تھے، جب ہم سفر سے واپس آئے تو لوگوں نے جلد بازی کی اور مدینہ میں داخل ہو گئے، نبی اکرم صلی اللہ علیہ وسلم نے ان کے بارے میں دریافت فرمایا، آپ صلی اللہ علیہ وسلم کو بتایا گیا کہ وہ جلدی مدینے میں داخل ہو گئے ہیں، آپ صلی اللہ علیہ وسلم نے فرمایا: قریب ہے کہ اس کو وہ پکارے جو اس سے بہتر ہے، کاش کہ میں وہ حالات دیکھ سکوں جب جبل الوراق سے آگ نکلے گی، اور بصریٰ میں بختی اونٹوں کی کوہانیں اس طرح چمکیں گی جیسے دن کی روشنی میں کوئی چیز چمکتی ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الفتن والملاحم/حدیث: 8571]