سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیامت اس وقت تک قائم نہیں ہوگی جب تک تم خوز اور کرمان کے لوگوں سے قتال نہ کر لو، وہ ایسے عجمی ہوں گے جن کے چہرے سرخ، ناکیں چپٹی «فُطْسُ الأُنوف» اور آنکھیں چھوٹی ہوں گی، گویا ان کے چہرے تہ بہ تہ چمڑے والی ڈھالیں «المَجانُّ المُطرَقَة» ہیں، اور ان کے جوتے بالوں والے ہوں گے۔“
یہ حدیث شیخین کی شرط پر صحیح ہے، لیکن انہوں نے اسے روایت نہیں کیا۔ [المستدرك على الصحيحين/كتاب الفتن والملاحم/حدیث: 8679]