عبدالرحمن بن غنم اشعری سے روایت ہے، انہوں نے کہا کہ مجھ سے سیدنا ابو درداء رضی اللہ عنہ نے پوچھا: تم لوگوں کو کیسا پاتے ہو؟ میں نے عرض کیا: بخیر و عافیت ہیں، ان کی پکار ایک ہے، ان کا امام ایک ہے، ان کا دشمن بدبخت ہے اور ان کے وظائف و رزق کثرت سے جاری ہیں، انہوں نے فرمایا: (اب تو ایسا ہے) لیکن اس وقت کیا حال ہوگا جب ان کے دل ایک دوسرے کے خلاف بغض سے بھر جائیں گے، ان کی زبانیں ایک دوسرے پر لعنت بھیجیں گی، ان کی دشمنی کھل کر ظاہر ہو جائے گی، ان کے باہمی تعلقات فساد کا شکار ہو جائیں گے اور وہ ایک دوسرے کی گردنیں مارنے لگیں گے؟!
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الفتن والملاحم/حدیث: 8809]