یسیر بن عمرو کے بارے میں مروی ہے کہ انہوں نے ابومسعود سے کہا: میرے دو ساتھی حذیفہ اور ابوموسیٰ تھے، میں ہر تکلیف اور گھبراہٹ میں انہی سے رجوع کیا کرتا تھا، اور میں تمہیں اللہ کی قسم دے کر کہتا ہوں کہ اگر تم نے فتنوں کے بارے میں رسول اللہ صلی اللہ علیہ وسلم کا کوئی فرمان سن رکھا ہے تو وہ مجھے سناؤ، ورنہ تم مجھے اپنی رائے سے آگاہ کرو، چنانچہ سیدنا ابومسعود رضی اللہ عنہ نے اللہ تعالیٰ کی حمد و ثناء کے بعد فرمایا: تم پر لازم ہے کہ محمد صلی اللہ علیہ وسلم کی امت کے سب سے بڑے گروہ میں شامل ہو جاؤ، کیونکہ محمد صلی اللہ علیہ وسلم کی امت کبھی بھی گمراہی پر جمع نہیں ہو گی، اور صبر کرنا حتی کہ نیکی عام ہو جائے اور فاجروں سے جان چھوٹ جائے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الفتن والملاحم/حدیث: 8877]