سیدنا ابوہریرہ رضی اللہ عنہ سے روایت ہے، وہ فرماتے ہیں: ”قیامت کے دن کافر کی داڑھ احد پہاڑ جیسی ہوگی، اس کا سر بیضاء (پہاڑ) جیسا ہوگا، اس کی ران ورقان (پہاڑ) جیسی ہوگی، اس کی کھال کی موٹائی ستر ہاتھ ہوگی، اور جہنم میں اس کے بیٹھنے کی جگہ مدینہ اور ربذہ کے درمیانی فاصلے کے برابر ہوگی۔“ سیدنا ابوہریرہ رضی اللہ عنہ فرماتے ہیں: اور یہ بھی کہا جاتا تھا: ”اس کا پیٹ اضم (وادی) کے برابر ہوگا۔“
اس حدیث کی سند شیخین کی شرط پر صحیح ہے لیکن انہوں نے اسے سیدنا ابوہریرہ رضی اللہ عنہ پر موقوف ہونے کی وجہ سے روایت نہیں کیا۔ [المستدرك على الصحيحين/كتاب : الأهوال/حدیث: 8976]