سیدنا یعلیٰ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: بے شک بحر دوزخ ہے۔ لوگوں نے سیدنا یعلیٰ سے کہا: اللہ تبارک و تعالیٰ نے فرمایا ہے {نَارًا أَحَاطَ بِهِمْ سُرَادِقُهَا} [الكهف: 29] ” ہم نے کافروں کے لئے آگ تیار کر رکھی ہے اس کی دیواریں اسے گھیر لیں گی “ انہوں نے کہا: اس ذات کی قسم جس کے قبضہ میں میری جان ہے میں اس میں اس وقت تک داخل نہیں ہوں گا جب تک میں اللہ تعالیٰ سے مل نہ لوں، اور مجھے اس کا ایک قطرہ بھی نہیں چھو سكتا۔ ٭٭ یہ حدیث صحیح الاسناد ہے، اس کا معنی یہ ہے كہ سمندر گہرا ہے گویا كہ وہ جہنم ہو، اور یہ حدیث اس حدیث كی فرع ہے، جس میں انہوں نے عبداللہ بن عمرو رضی اللہ عنہما کے حوالے سے نبی اكرم صلی اللہ علیہ وسلم کا یہ ارشاد نقل كیا ہے كہ سمندر کے نیچے آگ ہے، اور آگ کے نیچے پھر سمندر ہے۔ اور ساتویں زمین کے نیچے (بھی) آگ ہے۔ كئی صحابہ كرام نے اور ان کے بعد والوں نے اس کا دھواں اٹھنے کا مشاہدہ بھی كیا ہے۔ [المستدرك على الصحيحين/كتاب : الأهوال/حدیث: 8977]