سیدنا عبداللہ بن عمرو رضی اللہ عنہما، اللہ تعالیٰ کے ارشاد {وَنَادَوْا يَا مَالِكُ لِيَقْضِ عَلَيْنَا رَبُّكَ} [الزخرف: 77] ” اور وہ پكاریں گے اے مالک تیرا رب ہمیں تمام كر چكے “ (ترجمہ كنزالایمان، امام احمد رضا) کے بارے میں فرماتے ہیں: ان كو چالیس سال تک كوئی جواب نہیں دیا جائے گا، پھر چالیس سال کے بعد جب ان كو جواب دیا جائے گا تو یہ دیا جائے گا {إِنَّكُمْ مَاكِثُونَ} [الزخرف: 77] ” تمہیں تو ٹھہرنا ہے “ وہ كہیں گے: {رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ} [المؤمنون: 107] ” اے ہمارے رب ہم كو دوزخ سے نكال دے پھر اگر ہم ویسے ہی كریں تو ہم ظالم ہیں “ (ترجمہ كنزالایمان، امام احمد رضا) آپ صلی اللہ علیہ وسلم نے فرمایا: پوری دنیا كی عمر جتنا زمانہ تک خاموشی رہے گی پھر اس عرصے کے بعد ان كو یہ جواب دیا جائے گا، {اخْسَئُوا فِيهَا وَلَا تُكَلِّمُونَ} ” دتكارے پڑے رہو اس میں اور مجھ سے كوئی بات نہ كرو “ (ترجمہ كنزالایمان،) آپ صلی اللہ علیہ وسلم نے فرمایا: اللہ كی قسم! اس کے بعد لوگ كوئی بات نہیں بولیں گے بلكہ گدھے كی طرح رینكیں گے۔ ٭٭ یہ حدیث بخاری رحمۃ اللہ علیہ اور امام مسلم رحمۃ اللہ علیہ کے مطابق صحیح ہے لیکن شیخین رحمۃ اللہ علیہما نے اس كو نقل نہیں كیا۔ [المستدرك على الصحيحين/كتاب : الأهوال/حدیث: 8984]