سیدنا تمیم داری رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: "قیامت کے دن بندے سے سب سے پہلے اس کی نماز کا حساب لیا جائے گا، اگر اس نے اسے مکمل کیا ہوگا تو وہ مکمل لکھی جائے گی اور اگر اس نے اسے مکمل نہ کیا ہوگا تو اللہ عزوجل اپنے فرشتوں سے فرمائے گا: کیا تم میرے بندے کے نامہ اعمال میں کچھ نوافل پاتے ہو جن سے اس کے فرائض کی کمی کو پورا کیا جا سکے، پھر زکوٰۃ کا حساب بھی اسی طرح ہوگا اور پھر باقی تمام اعمال بھی اسی حساب سے ہوں گے۔"
یہ حدیث امام مسلم کی شرط پر صحیح ہے، اگرچہ بعض نے اسے مختصر بیان کیا ہے مگر موسیٰ بن اسماعیل کی روایت زیادہ پختہ ہے۔ [المستدرك على الصحيحين/كتاب الإمامة وصلاة الجماعة/حدیث: 980]