حضرت اسماء بنت ابی بکر رضی اللہ عنہا سے روایت ہے، انہوں نے بیان فرمایا: ”ہم رسول اللہ صلی اللہ علیہ وسلم کے ساتھ احرام باندھ کر روانہ ہوئے، نبی صلی اللہ علیہ وسلم نے فرمایا: ”جس کے پاس قربانی کا جانور ہے وہ احرام باندھے رہے اور جس کے پاس قربانی کا جانور نہیں وہ حلال ہو جائے (احرام کھول دے)۔“ حضرت اسماء رضی اللہ عنہا نے بیان فرمایا: ”میرے ساتھ قربانی کا جانور نہیں تھا اس لیے میں نے احرام کھول دیا اور (میرے شوہر) حضرت زبیر رضی اللہ عنہ کے پاس قربانی کا جانور تھا اس لیے انہوں نے احرام نہ کھولا۔ میں نے اپنے (عام) کپڑے پہن لیے اور حضرت زبیر رضی اللہ عنہ کے پاس چلی گئی۔ انہوں نے کہا: ”میرے پاس سے اٹھ جاؤ۔“ میں نے کہا: ”کیا آپ کو یہ خطرہ ہے کہ میں آپ پر کود پڑوں گی؟““ [سنن ابن ماجه/كتاب المناسك/حدیث: 2983]