حضرت مسروق رحمہ اللہ سے روایت ہے کہ حضرت عبداللہ بن مسعود رضی اللہ عنہ نے اس آدمی کے بارے میں، جس نے ایک عورت سے نکاح کیا اور وہ فوت ہو گیا جب کہ اس نے اس سے نہ جماع کیا تھا اور نہ اس کا مہر ہی مقرر کیا تھا، فرمایا: ”عورت کو مہرِ مثل ملے گا، اسے عدت گزارنی پڑے گی اور اسے وراثت بھی ملے گی۔“ حضرت معقل بن سنان رضی اللہ عنہ فرمانے لگے: میں نے رسول اللہ صلی اللہ علیہ وسلم کو بروع بنت واشق رضی اللہ عنہا کے بارے میں ایسا ہی فیصلہ فرماتے سنا ہے۔ [سنن نسائي/كتاب النكاح/حدیث: 3358]