حضرت ابوسلمہ بن عبدالرحمن بیان کرتے ہیں کہ میں، حضرت ابوہریرہ رضی اللہ عنہ اور حضرت ابن عباس رضی اللہ عنہما اکٹھے بیٹھے تھے۔ حضرت ابن عباس رضی اللہ عنہما فرمانے لگے: جب کوئی عورت اپنے خاوند کی وفات کے بعد بچہ جن دے تو اس کی عدت دونوں میں سے آخری ہے۔ حضرت ابوسلمہ نے کہا: ہم نے حضرت کریب کو حضرت ام سلمہ رضی اللہ عنہا کے پاس اس کے بارے میں پوچھنے کے لیے بھیجا۔ چنانچہ وہ ان کے پاس سے ہو کر ہمارے پاس یہ خبر لائے کہ سبیعہ کا خاوند فوت ہو گیا تھا اور اس نے خاوند کی وفات کے چند دن بعد بچہ جن دیا۔ رسول اللہ صلی اللہ علیہ وسلم نے اسے نکاح کرنے کی اجازت دے دی۔ [سنن نسائي/كتاب الطلاق/حدیث: 3545]