◈ اس سلسلہ میں علماء کا کہنا ہے کہ ثقیف کو حجاج بن یوسف اور بنی حنیفہ کو مسیلمہ کذاب اور بنی امیہ کو عبیداللہ بن زیاد کی وجہ سے ناپسند کرتے تھے۔ (واللہ اعلم)۔
➊ حسن بصری مدلس ہیں۔
➋ اور عنعنہ سے روایت ہے۔
➌ جب کہ ”عمران بن حصین رضی اللہ عنہ“ سے ان کا سماع بھی نہیں ہے۔

➊ یہ حدیث سندا ضعیف ہے۔
◈ امام ترمذی رحمہ اللہ اس کی تخریج کے متصلاً بعد فرماتے ہیں:
«هذا حديث غريب لا نعرفه إلا من هذا الوجه»
”یہ حدیث غریب ہے، ہم اسے صرف اسی طریق سے جانتے ہیں۔“ [جامع الترمذی: 3943]
➋ اس کے راوی ہشام بن حسان الازدی الفردوسی (متوفی: 247ھ) امام ابو داؤد رحمہ اللہ اور دیگر محدثین کے نزدیک ابن سیرین رحمہ اللہ سے روایت میں ثقہ جبکہ حسن اور عطا رحمہما اللہ سے متکلم فیہ ہیں۔
◈ محدثین فرماتے ہیں:
«أثبت الناس في ابن سيرين وفي روايته عن الحسن وعطاء مقال لأنه كان يرسل عنهما»
”وہ ابن سیرین کے بارے میں لوگوں میں سب سے زیادہ ثابت قدم ہیں اور ان کی حسن اور عطا سے روایت میں کلام ہے کیونکہ وہ ان سے ارسال کرتے تھے۔“ [تقریب التہذیب: 7289، الضعیفہ: 724]
یہ روایت ان کی حسن بصری رحمہ اللہ سے ہی ہے جس میں محدثین کو کلام ہے۔
➌ اس روایت میں حسن بصری رحمہ اللہ مدلس ہیں جن کی عمران بن حصین رضی اللہ عنہ سے عنعنہ ہے، سماعت کی صراحت نہیں، جس وجہ سے روایت ضعیف ہے۔
➍ ان دو ضعف کے باعث شیخ البانی رحمہ اللہ وغیرہ اس روایت کو ضعیف الاسناد کہتے ہیں۔
➎ اس ضعف کے باوجود بعض محدثین کے نزدیک بنو ثقیف کو حجاج، بنو حنیفہ کو مسیلمہ کذاب جبکہ بنو امیہ کو عبید اللہ بن زیاد کی وجہ سے ناپسند کیا گیا ہے۔
➏ یاد رکھیے امام الانبیاء والرسل صلی اللہ علیہ وسلم کی چار میں سے تین صاحب زادیاں سیدہ زینب، سیدہ رقیہ اور سیدہ ام کلثوم رضوان اللہ علیہن کی شادیاں بنو امیہ میں ہوئیں۔
ام المؤمنین سیدہ ام حبیبہ رضی اللہ عنہا اور سیدنا عثمان بن عفان رضی اللہ عنہ کا تعلق بھی بنو امیہ سے تھا۔
➐ ❀ رسالت مآب صلی اللہ علیہ وسلم کا فرمان ہے:
«اللهم اهد ثقيفا»
”اے اللہ! ثقیف کو ہدایت دے۔“ [مسند احمد: 14702، صحیح علی شرط مسلم]
ڈاکٹر محمد جاوید