´فطرت میں تغیر نہیں`
«. . . وَعَنْ أَبِي الدَّرْدَاءِ قَالَ بَيْنَمَا نَحْنُ عِنْدَ رَسُولِ اللَّهِ صَلَّى اللَّهُ عَلَيْهِ وَسَلَّمَ نَتَذَاكَرُ مَا يَكُونُ إِذْ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ‏‏‏‏إِذَا سَمِعْتُمْ بِجَبَلٍ زَالَ عَن مَكَانَهُ فصدقوا وَإِذَا سَمِعْتُمْ بِرَجُلٍ تَغَيَّرَ عَنْ خُلُقِهِ فَلَا تصدقوا بِهِ وَإنَّهُ يَصِيرُ إِلَى مَا جُبِلَ عَلَيْهِ ". رَوَاهُ أَحْمَدُ ‏‏‏‏ . . .»
”. . . سیدنا ابودرداء رضی اللہ عنہ سے مروی ہے انہوں نے کہا کہ ہم لوگ رسول اللہ صلی اللہ علیہ وسلم کے پاس بیٹھے ہوئے تھے کہ آئندہ ہونے والی باتوں پر ہم لوگ گفتگو کرنے لگے (یعنی قضا و قدر کے بارے میں ہم مذاکرہ کرنے لگے) یہ سن کر رسول اللہ صلی اللہ علیہ وسلم نے فرمایا کہ جب تم سنو کہ کوئی پہاڑ اپنی جگہ سے سرک گیا ہے تو اس کو سچ سمجھ لو لیکن جب تم یہ سنو کہ کوئی شخص اپنی جبلی عادت سے پھر گیا ہے تو اس کا اعتبار نہ کرنا کیونکہ وہ شخص اپنی فطری اور جبلی عادت کی طرف لوٹنے والا ہے جس پر وہ پیدا کیا گیا ہے۔ اس حدیث کو احمد نے روایت کیا ہے۔ . . .“ [مشكوة المصابيح/كِتَاب الْإِيمَانِ: 123]

تحقیق الحدیث:
اس روایت کی سند منقطع ہونے کی وجہ سے ضعیف ہے۔
◈ حافظ نورالدین الٰہیثمی نے فرمایا:
”لیکن زہری نے ابوالدرداء کو نہیں پایا۔“ [مجمع الزوائد 7؍196]
معلوم ہوا کہ امام زہری نے سیدنا ابوالدرداء کو نہیں دیکھا اور نہ ان سے ملاقات کی ہے، لہٰذا یہ روایت منقطع ہونے کی وجہ سے مردود ہے۔