الشيخ حافط عبدالستار الحماد حفظ الله، فوائد و مسائل، تحت الحديث صحيح بخاري:4107
4107. حضرت عبداللہ بن عمر ؓ سے روایت ہے، انہوں نے فرمایا: سب سے پہلے میں نے جس جنگ میں شرکت کی وہ غزوہ خندق تھا۔ [صحيح بخاري، حديث نمبر:4107]
حدیث حاشیہ:
قبل ازیں حضرت ابن عمر ؓ نے خود فرمایا:
میں نے خود کو غزوہ احد کے دن رسول اللہ ﷺ کے سامنے بھرتی کے لیے پیش کیا تو آپ نے مجھے اجازت نہ دی۔
اس وقت میری عمر چودہ سال تھی اور غزوہ خندق کے موقع پر بھرتی ہوئی تو رسول اللہ ﷺ نے مجھے شرکت کی اجازت دے دی اور اس وقت میری عمرپندرہ برس تھی۔
(صحیح البخاري، المغازي، حدیث: 4097)
هداية القاري شرح صحيح بخاري، اردو، حدیث\صفحہ نمبر: 4107