حضرت ابو سعید خدری رضی اللہ عنہ سے روایت ہے کہ ایک دیہاتی نے رسول اللہ صلی اللہ علیہ وسلم سے ہجرت کے متعلق دریافت کیا تو آپ نے فرمایا: ”تیرے لیے خرابی ہو، ہجرت کا معاملہ بڑا سخت ہے، کیا تیرے پاس کچھ اونٹ ہیں جن کی تو زکوٰۃ ادا کرتا ہے؟“ اس نے عرض کیا: جی ہاں! آپ نے فرمایا: ”پھر تو دریاؤں کے اس پار عمل کرتا رہ، بے شک اللہ تعالیٰ تیرے اعمال سے کسی چیز کو ضائع نہیں کرے گا۔“ [صحيح البخاري/كتاب الزكاة/حدیث: 1452]

حضرت ابوسعید خدری رضی اللہ عنہ سے روایت ہے، انہوں نے کہا کہ ایک اعرابی نبی صلی اللہ علیہ وسلم کی خدمت میں حاضر ہوا اور آپ سے ہجرت کے متعلق دریافت کرنے لگا۔ آپ صلی اللہ علیہ وسلم نے فرمایا: ”تجھ پر افسوس! ہجرت تو بہت مشکل کام ہے۔ کیا تمہارے پاس کچھ اونٹ ہیں؟“ اس نے کہا: ”جی ہاں۔“ آپ صلی اللہ علیہ وسلم نے فرمایا: ”تم ان کی زکاۃ ادا کرتے ہو؟“ اس نے عرض کیا: ”ہاں (زکاۃ ادا کرتا ہوں)۔“ آپ صلی اللہ علیہ وسلم نے فرمایا: ”کیا تو ان میں کوئی اونٹنی دوسروں کو دیتا ہے تاکہ وہ اس سے فائدہ حاصل کرے؟“ اس نے کہا: ”ہاں (ایسا کرتا ہوں)۔“ آپ صلی اللہ علیہ وسلم نے فرمایا: ”کیا تم، انہیں پانی پلانے کے روز، دودھ خیرات کرتے ہو؟“ اس نے کہا: ”ہاں۔“ اس پر آپ صلی اللہ علیہ وسلم نے فرمایا: ”پھر تم تمام بستیوں (اور شہروں) سے پرے رہ کر عمل کرتے رہو۔ اللہ تعالیٰ تمہارے کسی عمل کا ثواب ضائع نہیں کرے گا۔“ [صحيح البخاري/كتاب الزكاة/حدیث: 3923]

حضرت ابوسعید خدری رضی اللہ عنہ سے روایت ہے کہ ایک دیہاتی نے عرض کی: ”اے اللہ کے رسول! مجھے ہجرت کے متعلق کچھ بتائیں؟“ آپ صلی اللہ علیہ وسلم نے فرمایا: ”تیری خرابی ہو، ہجرت کا معاملہ تو بہت سخت ہے، کیا تمہارے پاس کچھ اونٹ ہیں؟“ اس نے کہا: جی ہاں۔ آپ صلی اللہ علیہ وسلم نے فرمایا: ”کیا تم ان کی زکاۃ ادا کرتے ہو؟“ اس نے کہا: جی ہاں۔ آپ صلی اللہ علیہ وسلم نے فرمایا: ”پھر تم شہروں اور بستیوں سے پرے اپنا کاروبار کرتے رہو، اللہ تعالیٰ تمہارے کسی عمل کے ثواب کو ضائع نہیں کرے گا۔“ [صحيح البخاري/كتاب الزكاة/حدیث: 6165]

حضرت ابو سعید خدری رضی اللہ عنہ سے روایت ہے، انہوں نے کہا: ایک دیہاتی نبی صلی اللہ علیہ وسلم کی خدمت میں حاضر ہوا اور اس نے ہجرت کے متعلق سوال کیا۔ آپ صلی اللہ علیہ وسلم نے فرمایا: ”تیرا بھلا ہو! ہجرت کا معاملہ بہت کٹھن ہے۔ یہ بتاؤ تمہارے پاس اونٹ ہیں؟“ اس نے کہا: ہاں۔ آپ صلی اللہ علیہ وسلم نے پوچھا: ”ان کی زکوٰۃ دیتے ہو؟“ اس نے ہاں میں جواب دیا۔ آپ صلی اللہ علیہ وسلم نے پھر پوچھا: ”ان میں سے کچھ عطیہ بھی دیتے ہو؟“ اس نے کہا: جی ہاں۔ پھر آپ صلی اللہ علیہ وسلم نے دریافت کیا: ”کیا پانی پلانے کے دن جب گھاٹ پر لے جاتے ہو تو دودھ دوہ کر تقسیم کرتے ہو؟“ اس نے کہا: ہاں۔ پھر آپ صلی اللہ علیہ وسلم نے فرمایا: ”جب تیرا یہ حال ہے تو پھر تو شہروں اور بستیوں (اپنے علاقے) میں رہ کر عمل کرتا رہ۔ اللہ تعالیٰ تیری نیکی میں کوئی کمی نہیں فرمائے گا۔“ [صحيح البخاري/كتاب الزكاة/حدیث: 2633]