جناب ابووائل نے کہا کہ سیدنا ابوہریرہ رضی اللہ عنہ نے کہا: ”نماز میں ہتھیلیوں سے ناف کے نیچے سے پکڑنا ہے۔“ امام ابوداؤد رحمہ اللہ کہتے ہیں کہ ”میں نے امام احمد بن حنبل رحمہ اللہ کو سنا، وہ (مذکورہ اثر کے ایک راوی) عبدالرحمٰن کوفی کو ضعیف کہتے تھے۔“ [سنن ابي داود/أبواب تفريع استفتاح الصلاة /حدیث: 758]

سیدنا علی رضی اللہ عنہ نے فرمایا: ”نماز میں ہتھیلی کو ہتھیلی پر ناف کے نیچے رکھنا سنت ہے۔“ [سنن ابي داود/أبواب تفريع استفتاح الصلاة /حدیث: 756]

جناب ابن جریر ضبی اپنے والد سے روایت کرتے ہیں، وہ کہتے ہیں کہ ”میں نے سیدنا علی رضی اللہ عنہ کو دیکھا کہ انہوں نے اپنے بائیں ہاتھ کو دائیں ہاتھ سے پہنچے (کلائی) کے پاس سے (یعنی جوڑ کے پاس) سے پکڑ رکھا تھا اور وہ ناف سے اوپر تھے“۔ امام ابوداؤد رحمہ اللہ نے کہا: ”جناب سعید بن جبیر سے ”ناف سے اوپر“ مروی ہے اور ابومجلز نے ”ناف سے نیچے“ کہا ہے اور سیدنا ابوہریرہ رضی اللہ عنہ سے بھی ”ناف سے نیچے“ ہی روایت کی گئی ہے، مگر قوی نہیں ہے“۔ [سنن ابي داود/أبواب تفريع استفتاح الصلاة /حدیث: 757]