عادیوں نے بھی رسولوں کو جھٹلایا

عاد نے بھی پیغمبروں کو جھٹلایا

عاد نے رسولوں کو جھٹلایا۔

ﺛمودیوں نے بھی پیغمبروں کو جھٹلایا

(اور) قوم ثمود نے بھی پیغمبروں کو جھٹلا دیا

ثمود نے رسولوں کو جھٹلایا۔

قوم لوط نے بھی نبیوں کو جھٹلایا

(اور قوم) لوط نے بھی پیغمبروں کو جھٹلایا

لوط کی قوم نے رسولوں کو جھٹلایا۔

اَیکہ والوں نے بھی رسولوں کو جھٹلایا

اور بن کے رہنے والوں نے بھی پیغمبروں کو جھٹلایا

ایکہ والوں نے رسولوں کو جھٹلایا۔

ہم نے موسیٰ (علیہ السلام) کی ماں کو وحی کی کہ اسے دودھ پلاتی ره اور جب تجھے اس کی نسبت کوئی خوف معلوم ہو تو اسے دریا میں بہا دینا اور کوئی ڈر خوف یا رنج غم نہ کرنا، ہم یقیناً اسے تیری طرف لوٹانے والے ہیں اور اسے اپنے پیغمبروں میں بنانے والے ہیں

اور ہم نے موسٰی کی ماں کی طرف وحی بھیجی کہ اس کو دودھ پلاؤ جب تم کو اس کے بارے میں کچھ خوف پیدا ہو تو اسے دریا میں ڈال دینا اور نہ تو خوف کرنا اور نہ رنج کرنا۔ ہم اس کو تمہارے پاس واپس پہنچا دیں گے اور (پھر) اُسے پیغمبر بنا دیں گے

اور ہم نے موسیٰ کی ماں کی طرف وحی کی کہ اسے دودھ پلا، پھر جب تو اس پر ڈرے تو اسے دریا میں ڈال دے اور نہ ڈر اور نہ غم کر، بے شک ہم اسے تیرے پاس واپس لانے والے ہیں اور اسے رسولوں میں سے بنانے والے ہیں۔

اس دن انہیں بلا کر پوچھے گا کہ تم نے نبیوں کو کیا جواب دیا؟

اور جس روز خدا اُن کو پکارے گا اور کہے گا کہ تم نے پیغمبروں کو کیا جواب دیا

اور جس دن وہ انھیں آواز دے گا، پس کہے گا تم نے رسولوں کو کیا جواب دیا؟

کہ بے شک آپ پیغمبروں میں سے ہیں

اے محمدﷺ) بےشک تم پیغمبروں میں سے ہو

بلاشبہ تو یقینا بھیجے ہوئے لوگوں میں سے ہے۔

اور ایک شخص (اس) شہر کے آخری حصے سے دوڑتا ہوا آیا کہنے لگا کہ اے میری قوم! ان رسولوں کی راه پر چلو

اور شہر کے پرلے کنارے سے ایک آدمی دوڑتا ہوا آیا کہنے لگا کہ اے میری قوم پیغمبروں کے پیچھے چلو

اور شہر کے سب سے دور کنارے سے ایک آدمی دوڑتا ہوا آیا، اس نے کہا اے میری قوم! ان رسولوں کی پیروی کرو۔

(نہیں نہیں) بلکہ (نبی) تو حق (سچا دین) ﻻئے ہیں اور سب رسولوں کو سچا جانتے ہیں

بلکہ وہ حق لے کر آئے ہیں اور (پہلے) پیغمبروں کو سچا کہتے ہیں

بلکہ وہ حق لے کر آیا ہے اور اس نے تمام رسولوں کی تصدیق کی ہے۔

بے شک الیاس (علیہ السلام) بھی پیغمبروں میں سے تھے

اور الیاس بھی پیغمبروں میں سے تھے

اور بلاشبہ الیاس یقینا رسولوں میں سے تھا۔