”جو شخص ہدایت پاتا ہے وہ اپنے ہی بھلے کے لیے ہدایت پاتا ہے اور جو گمراہ ہوتا ہے تو اس کی گمراہی کا وبال خود اسی پر ہے، اور کوئی بوجھ اٹھانے والا کسی دوسرے کا بوجھ نہیں اٹھائے گا، اور ہم اس وقت تک عذاب دینے والے نہیں ہیں جب تک کہ کوئی رسول مبعوث نہ کر دیں۔“ (۱۵)

اللہ تعالیٰ کے اس ارشاد کے بیان میں ہے ”اور آپ کے رب نے یہ قطعی فیصلہ صادر فرما دیا ہے کہ تم اس کے سوا کسی کی عبادت نہ کرو اور والدین کے ساتھ حسنِ سلوک کرو، اگر تمہارے پاس ان میں سے کوئی ایک یا وہ دونوں بڑھاپے کی عمر کو پہنچ جائیں تو انہیں ’اُف‘ تک نہ کہنا اور نہ ہی انہیں جھڑکنا، بلکہ ان سے نہایت ہی عزت و احترام کے ساتھ بات کرنا، اور ان کے لیے مہر و محبت سے عجز و انکساری کے بازو جھکائے رکھنا اور یہ دعا کرنا کہ اے میرے پروردگار! ان دونوں پر رحم فرما جس طرح انہوں نے بچپن میں میری پرورش کی تھی“۔

”اور رشتہ دار کو اس کا حق عطا کرو اور مسکین اور مسافر کو بھی، اور (اپنے مال کو) بے جا اڑا کر فضول خرچی نہ کرو۔“

اللہ تعالیٰ کے اس ارشادِ گرامی کی تفسیر کے بیان میں کہ ”اور تم اپنا ہاتھ اپنی گردن سے بندھا ہوا نہ رکھو اور نہ ہی اسے پوری طرح کشادہ کر دو کہ پھر تم ملامت زدہ اور درماندہ ہو کر بیٹھ رہو۔“

اللہ سبحانہ و تعالیٰ کے اس ارشادِ گرامی کے بیان میں کہ ”اور تم اپنی اولاد کو مفلسی کے ڈر سے قتل نہ کرو، ہم ہی انہیں بھی رزق عطا فرماتے ہیں اور تمہیں بھی، بے شک ان کا قتل کرنا ایک بہت بڑی خطا ہے (31)۔“