ابنِ ابی ملیکہ سے روایت ہے کہ اہل عراق نے ابن زبیر رضی اللہ عنہما کو خط لکھا اور اس میں دادا کے بارے میں سوال کیا، ابن زبیر رضی اللہ عنہما نے کہا: جو رسول اللہ صلی اللہ علیہ وسلم نے فرمایا کہ ”اگر میں کسی کو خلیل بناتا تو ابوبکر کو خلیل بناتا۔“ انہوں نے (ابوبکر رضی اللہ عنہ) دادا کو باپ کی مانند قرار دیا۔ [السنن الكبرى للبيهقي/كتاب الفرائض/حدیث: 12419]

سیدنا عثمان بن عفان رضی اللہ عنہ سے روایت ہے کہ سیدنا ابوبکر رضی اللہ عنہ نے دادا کو باپ کی مانند قرار دیا۔ [السنن الكبرى للبيهقي/كتاب الفرائض/حدیث: 12420]

مروان بن حکم نے بیان کیا کہ جب سیدنا عمر بن خطاب رضی اللہ عنہ کو زخمی کیا گیا تو انہوں نے فرمایا کہ میں دادا کے بارے میں ایک رائے رکھتا ہوں، اگر تم دیکھتے ہو کہ اس کی پیروی کرو تو ضرور اس کی پیروی کرنا، سیدنا عثمان رضی اللہ عنہ نے کہا کہ اگر ہم آپ کی رائے کی پیروی کریں تو اچھا ہے اور اگر ہم آپ سے پہلے والے شیخ کی رائے کی پیروی کریں تو وہ اچھی رائے والے تھے۔ [السنن الكبرى للبيهقي/كتاب الفرائض/حدیث: 12421]

حضرت ابو سعید خدری رضی اللہ عنہ سے روایت ہے کہ حضرت ابوبکر رضی اللہ عنہ دادا کو باپ کی جگہ پر رکھتے تھے۔ [السنن الكبرى للبيهقي/كتاب الفرائض/حدیث: 12422]

سیدنا عبداللہ بن عباس رضی اللہ عنہما سے روایت ہے کہ دادا باپ کی مانند ہے اور کہا: اگر جن جان لیں کہ لوگوں میں دادے ہیں تو نہ کہیں ﴿تَعَالَىٰ جَدُّ رَبِّنَا﴾ [سورة الجن: 3] اور سفیان نے ﴿يَا بَنِي آدَمَ﴾ [سورة الأعراف: 26] اور ﴿وَاتَّبَعْتُ مِلَّةَ آبَائِي﴾ [سورة يوسف: 38] پڑھا۔ [السنن الكبرى للبيهقي/كتاب الفرائض/حدیث: 12423]

عبدالرحمن بن معقل کہتے ہیں: ایک آدمی ابن عباس رضی اللہ عنہما کے پاس آیا، اس نے کہا: آپ دادے کے بارے میں کیا کہتے ہو؟ ابن عباس رضی اللہ عنہما نے کہا: کوئی دادا نہیں ہے، کون سا باپ تیرے لیے بڑا ہے؟ وہ آدمی خاموش ہو گیا، اسے کوئی جواب نہ آیا گویا کہ وہ جواب دینے سے عاجز ہو گیا۔ عبدالرحمن کہتے ہیں: میں نے کہا: آدم، ابن عباس رضی اللہ عنہما نے کہا: کیا تم نے اللہ کا یہ قول نہیں سنا: ﴿يَا بَنِي آدَمَ﴾ [سورة الأعراف: 26] ؟ [السنن الكبرى للبيهقي/كتاب الفرائض/حدیث: 12424]

حضرت علی رضی اللہ عنہ نے فرمایا: دیت اس کے لیے ہے جس نے میراث کو پایا اور دادا، باپ کی مانند ہے۔ [السنن الكبرى للبيهقي/كتاب الفرائض/حدیث: 12425]

عطاء نے خبر دی کہ علی رضی اللہ عنہ دادا کو باپ کی طرح بناتے تھے۔
بعض اہلِ عراق نے علی رضی اللہ عنہ سے عطاء کی اس روایت کا انکار کیا ہے، علی رضی اللہ عنہ سے صحیح یہ ہے کہ وہ دادا اور بھائیوں کو شریک سمجھتے تھے اور ہو سکتا ہے کہ انہوں نے دادا کو باپ دوسرے حکم میں بنایا ہو، واللہ اعلم۔ [السنن الكبرى للبيهقي/كتاب الفرائض/حدیث: 12426]

شعبی رحمہ اللہ سے روایت ہے کہ اسلام میں پہلے وارث بطورِ دادا حضرت عمر رضی اللہ عنہ بنے تھے۔ ان کا فلاں پوتا فوت ہو گیا تو حضرت عمر رضی اللہ عنہ نے اس کے بھائیوں کے علاوہ اس کا مال لینے کا ارادہ کیا تو ان کو حضرت علی اور زید رضی اللہ عنہما نے کہا: آپ کے لیے کوئی چیز نہیں ہے، حضرت عمر رضی اللہ عنہ نے کہا: اگر تم دونوں کی رائے مل نہ جاتی تو میں خیال نہ کرتا کہ وہ میرا بیٹا ہے اور نہ یہ کہ میں اس کا باپ ہوں۔
یہ روایت مرسل ہے، شعبی نے عمر رضی اللہ عنہ کا زمانہ نہیں پایا، البتہ یہ عمدہ مرسل ہے۔ [السنن الكبرى للبيهقي/كتاب الفرائض/حدیث: 12427]

سعید بن سلیمان بن زید بن ثابت اپنے والد سے اور وہ ان کے دادا (سیدنا زید بن ثابت رضی اللہ عنہ) سے نقل فرماتے ہیں کہ سیدنا عمر بن خطاب رضی اللہ عنہ نے سیدنا زید بن ثابت رضی اللہ عنہ کے پاس آنے کی اجازت چاہی، انہیں اجازت دی گئی، اس وقت سیدنا زید رضی اللہ عنہ کا سر ان کی لونڈی کے ہاتھ میں تھا اور وہ انہیں کنگھی کر رہی تھی، انہوں نے (حیا کی وجہ سے) اپنا سر کھینچ لیا، تو سیدنا عمر رضی اللہ عنہ نے سیدنا زید رضی اللہ عنہ سے کہا: ”اسے چھوڑ دو کہ وہ تمہیں کنگھی کرے“، سیدنا زید رضی اللہ عنہ نے کہا: ”اے امیر المؤمنین! اگر آپ مجھے پیغام بھیجتے تو میں خود حاضر ہو جاتا“، سیدنا عمر رضی اللہ عنہ نے کہا: ”مجھے کام تھا، اس لیے میں تمہارے پاس آیا ہوں تاکہ آپ دادا (کی میراث) کے بارے میں غور کریں“، سیدنا زید رضی اللہ عنہ نے کہا: ”اللہ کی قسم! ہم نے تو دادا کے بارے میں کچھ نہیں کہا“، سیدنا عمر رضی اللہ عنہ نے کہا: ”یہ کوئی وحی نہیں ہے کہ ہم اس میں زیادتی یا کمی نہ کر سکیں، یہ تو ایک رائے ہے جو ہم رکھتے ہیں، اگر آپ اسے میرے موافق دیکھیں تو اس کی پیروی کریں، ورنہ آپ پر اس میں کوئی چیز نہیں ہے“، سیدنا زید رضی اللہ عنہ نے انکار کیا تو سیدنا عمر رضی اللہ عنہ غصے کے ساتھ واپس آگئے اور کہا: ”میں تمہارے پاس اس لیے آیا تھا کہ آپ میری ضرورت پوری کر دیں گے“، پھر وہ دوسری دفعہ پہلے والے وقت پر ہی آئے اور مسلسل آتے رہے یہاں تک کہ سیدنا زید رضی اللہ عنہ نے کہا: ”میں آپ کو کچھ لکھ دیتا ہوں“، چنانچہ سیدنا زید رضی اللہ عنہ نے اسے ایک پلاؤ (لکڑی کے تختے) کے ٹکڑے پر لکھ دیا اور اس کے لیے مثال بیان کی کہ: ”اس دادا کی مثال اس درخت کی مانند ہے جو ایک تنے پر اگتا ہے، اس سے ایک ٹہنی نکلتی ہے، پھر اس ٹہنی سے ایک اور ٹہنی نکلتی ہے، تنا ٹہنی کو سیراب کرتا ہے، اگر آپ پہلی ٹہنی کو کاٹ ڈالیں گے تو پانی دوسری ٹہنی کی طرف لوٹ آئے گا اور اگر دوسری کو کاٹ ڈالیں گے تو پانی پہلی کی طرف لوٹ آئے گا“، سیدنا عمر رضی اللہ عنہ اسے لے کر آئے اور لوگوں کو خطبہ دیا، پھر وہ پلاؤ کا ٹکڑا پڑھا اور کہا: ”یہ وہ بات ہے جو سیدنا زید بن ثابت رضی اللہ عنہ نے دادا کے بارے میں کہی ہے اور میں نے اسے نافذ کر دیا ہے“، (راوی کہتے ہیں) سیدنا عمر رضی اللہ عنہ پہلے دادا تھے (جو وارث بنے)، انہوں نے ارادہ کیا تھا کہ اپنے پوتے کا سارا مال اس کے بھائیوں کے سوا خود لے لیں، لیکن سیدنا عمر بن خطاب رضی اللہ عنہ نے اس کے بعد اسے تقسیم کر دیا۔ [السنن الكبرى للبيهقي/كتاب الفرائض/حدیث: 12428]