(نبی کریم صلی اللہ علیہ وسلم نے فرمایا:)
”جب میری امت میں تلوار رکھ دی جائے گی (یعنی باہمی قتل و غارت شروع ہو جائے گا)، تو پھر قیامت تک ان سے وہ (تلوار) نہیں اٹھائی جائے گی۔“ [صحيح الجامع الصغير وزيادته/[حرف الألف] -- أد/حدیث: 828]

(نبی کریم صلی اللہ علیہ وسلم نے فرمایا:)
”جب کھانا دسترخوان پر چن دیا جائے تو برتن کے کناروں سے کھایا کرو اور اس کے درمیان والے حصے کو چھوڑ دیا کرو، کیونکہ برکت برتن کے درمیان میں نازل ہوتی ہے۔“ [صحيح الجامع الصغير وزيادته/[حرف الألف] -- أد/حدیث: 829]

(نبی کریم صلی اللہ علیہ وسلم نے فرمایا:)
”جب جنازہ تیار کر کے رکھ دیا جاتا ہے اور لوگ اسے اپنے کندھوں پر اٹھا لیتے ہیں، تو اگر وہ میت نیک ہو تو کہتی ہے: مجھے جلدی آگے لے چلو، اور اگر وہ نیک نہ ہو تو اپنے گھر والوں سے پکار کر کہتی ہے: ہائے بربادی! تم اسے کہاں لے جا رہے ہو؟ انسان کے سوا ہر چیز اس کی آواز سنتی ہے، اور اگر انسان اس آواز کو سن لے تو بے ہوش ہو کر گر پڑے۔“ [صحيح الجامع الصغير وزيادته/[حرف الألف] -- أد/حدیث: 830]

(نبی کریم صلی اللہ علیہ وسلم نے فرمایا:)
”جب تم میں سے کسی کے شام کا کھانا لا کر رکھ دیا جائے اور نماز کی اقامت بھی ہو جائے، تو پہلے کھانا کھا لو اور جب تک کھانے سے فارغ نہ ہو جاؤ، (نماز کے لیے جانے میں) جلد بازی نہ کرو۔“ [صحيح الجامع الصغير وزيادته/[حرف الألف] -- أد/حدیث: 831]

(نبی کریم صلی اللہ علیہ وسلم نے فرمایا:)
”جب تم اپنے مُردوں کو ان کی قبروں میں اتارو تو یہ دعا پڑھا کرو: «بِسْمِ اللَّهِ وَعَلَى سُنَّةِ رَسُولِ اللَّهِ» (اللہ کے نام کے ساتھ اور رسول اللہ کی سنت پر)۔“ [صحيح الجامع الصغير وزيادته/[حرف الألف] -- أد/حدیث: 832]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنے جوتوں سے کسی گندگی کو روند ڈالے، تو یقیناً (راستے کی پاک) مٹی اسے پاک کر دینے والی ہے۔“ [صحيح الجامع الصغير وزيادته/[حرف الألف] -- أد/حدیث: 833]

(نبی کریم صلی اللہ علیہ وسلم نے فرمایا:)
”جب کوئی شخص اپنے چمڑے کے موزوں سے کسی گندگی کو روند دے، تو ان دونوں موزوں کو پاک کرنے والی چیز مٹی ہی ہے۔“ [صحيح الجامع الصغير وزيادته/[حرف الألف] -- أد/حدیث: 834]

(نبی کریم صلی اللہ علیہ وسلم نے فرمایا:)
”جب تم میں سے کسی کے برتن میں مکھی گر جائے تو وہ اسے (مشروب میں مکمل) غوطہ دے دے، کیونکہ اس کے ایک پر میں بیماری اور دوسرے پر میں شفا ہوتی ہے۔ اور وہ گرتے وقت اسی پر کو آگے کرتی ہے جس میں بیماری ہوتی ہے، لہٰذا اسے مکمل طور پر ڈبو کر پھر باہر نکال پھینکے۔“ [صحيح الجامع الصغير وزيادته/[حرف الألف] -- أد/حدیث: 835]

(نبی کریم صلی اللہ علیہ وسلم نے فرمایا:)
”جب تم میں سے کسی کے برتن میں مکھی گر جائے تو وہ اسے اس (مشروب) میں اچھی طرح غوطہ دے، کیونکہ اس کے ایک پر میں زہر اور دوسرے پر میں شفا ہوتی ہے۔ اور وہ زہر والے پر کو آگے رکھتی ہے اور شفا والے پر کو پیچھے رکھتی ہے۔“ [صحيح الجامع الصغير وزيادته/[حرف الألف] -- أد/حدیث: 836]

(نبی کریم صلی اللہ علیہ وسلم نے فرمایا:)
”جب تم میں سے کسی کے پینے کی چیز میں مکھی گر جائے تو وہ اسے غوطہ دے پھر اسے باہر نکال دے، کیونکہ اس کے ایک پر میں بیماری اور دوسرے پر میں شفا ہوتی ہے۔“ [صحيح الجامع الصغير وزيادته/[حرف الألف] -- أد/حدیث: 837]