(نبی کریم صلی اللہ علیہ وسلم نے فرمایا:)
”جب نماز کے لیے اذان دی جاتی ہے تو آسمان کے دروازے کھول دیے جاتے ہیں اور دعا قبول کی جاتی ہے۔“ [صحيح الجامع الصغير وزيادته/[حرف الألف] -- أد/حدیث: 818]

(نبی کریم صلی اللہ علیہ وسلم نے فرمایا:)
”جب گدھا ہینکے (آواز نکالے) تو شیطان مردود سے اللہ کی پناہ مانگو۔“ [صحيح الجامع الصغير وزيادته/[حرف الألف] -- أد/حدیث: 819]

(نبی کریم صلی اللہ علیہ وسلم نے فرمایا:)
”جب تم میں سے کسی کو درد محسوس ہو تو وہ اپنا ہاتھ درد کی جگہ پر رکھے اور سات مرتبہ یہ پڑھے: «أَعُوذُ بِعِزَّةِ اللَّهِ وَقُدْرَتِهِ عَلَى كُلِّ شَيْءٍ مِنْ شَرِّ مَا أَجِدُ» (میں جو تکلیف محسوس کر رہا ہوں اس کے شر سے اللہ کی عزت اور ہر چیز پر اس کی قدرت کی پناہ مانگتا ہوں)۔“ [صحيح الجامع الصغير وزيادته/[حرف الألف] -- أد/حدیث: 820]

(نبی کریم صلی اللہ علیہ وسلم نے فرمایا:)
”جب تم میں سے کوئی اسے یعنی مذی کو پائے (نکلتا ہوا دیکھے)، تو اسے چاہیے کہ اپنی شرمگاہ کو دھوئے اور نماز کے لیے کیے جانے والے وضو کی طرح وضو کرے۔“ [صحيح الجامع الصغير وزيادته/[حرف الألف] -- أد/حدیث: 821]

(نبی کریم صلی اللہ علیہ وسلم نے فرمایا:)
”جب تم میں سے کوئی اپنے پیٹ میں کچھ گڑبڑ محسوس کرے اور اسے شک پڑ جائے کہ اس سے کوئی چیز (ہوا) خارج ہوئی ہے یا نہیں، تو وہ مسجد سے ہرگز نہ نکلے جب تک کہ وہ آواز نہ سن لے یا بو نہ محسوس کر لے۔“ [صحيح الجامع الصغير وزيادته/[حرف الألف] -- أد/حدیث: 822]

(نبی کریم صلی اللہ علیہ وسلم نے فرمایا:)
”جب تم میں سے کوئی نماز کے دوران ہوا خارج ہونے کی آواز یا پیٹ کی گڑبڑ محسوس کرے، تو اسے چاہیے کہ وہ (نماز سے) واپس چلا جائے اور وضو کرے۔“ [صحيح الجامع الصغير وزيادته/[حرف الألف] -- أد/حدیث: 823]

(نبی کریم صلی اللہ علیہ وسلم نے فرمایا:)
”جب عورت خواب میں وہی کچھ دیکھے جو مرد دیکھتا ہے (یعنی اسے احتلام ہو جائے)، تو اس پر غسل کرنا واجب ہے۔“ [صحيح الجامع الصغير وزيادته/[حرف الألف] -- أد/حدیث: 824]

(نبی کریم صلی اللہ علیہ وسلم نے فرمایا:)
”جب تم (کوئی چیز) تولو تو جھکتا ہوا (یعنی کچھ زیادہ) تولو۔“ [صحيح الجامع الصغير وزيادته/[حرف الألف] -- أد/حدیث: 825]

(نبی کریم صلی اللہ علیہ وسلم نے فرمایا:)
”جب معاملات نااہل لوگوں کے سپرد کر دیے جائیں تو پھر قیامت کا انتظار کرو۔“ [صحيح الجامع الصغير وزيادته/[حرف الألف] -- أد/حدیث: 826]

(نبی کریم صلی اللہ علیہ وسلم نے فرمایا:)
”جب تم میں سے کوئی (نماز کے لیے) اپنے سامنے اونٹ کے کجاوے کی پچھلی لکڑی کے برابر کوئی چیز (بطورِ سترہ) رکھ لے، تو وہ نماز پڑھے اور اس بات کی پرواہ نہ کرے کہ اس (سترہ) کے آگے سے کون گزر رہا ہے۔“ [صحيح الجامع الصغير وزيادته/[حرف الألف] -- أد/حدیث: 827]