(نبی کریم صلی اللہ علیہ وسلم نے فرمایا:)
”لوگوں میں سب سے سخت آزمائش انبیاء کی ہوتی ہے، پھر ان کی جو (فضیلت میں) ان کے بعد ہیں، پھر ان کی جو ان کے بعد ہیں۔“ [صحيح الجامع الصغير وزيادته/[حرف الألف] -- أر/حدیث: 996]

(نبی کریم صلی اللہ علیہ وسلم نے فرمایا:)
”قیامت کے دن اللہ کے نزدیک سب سے سخت عذاب ان لوگوں کو ہوگا جو اللہ کی تخلیق کی مشابہت اختیار کرتے ہیں (یعنی جانداروں کی تصویریں بناتے ہیں)۔“ [صحيح الجامع الصغير وزيادته/[حرف الألف] -- أر/حدیث: 997]

(نبی کریم صلی اللہ علیہ وسلم نے فرمایا:)
”دنیا میں لوگوں کو سب سے زیادہ سخت عذاب (تکلیف) دینے والا، قیامت کے دن اللہ کے ہاں سب سے زیادہ سخت عذاب پانے والا ہوگا۔“ [صحيح الجامع الصغير وزيادته/[حرف الألف] -- أر/حدیث: 998]

(نبی کریم صلی اللہ علیہ وسلم نے فرمایا:)
”قیامت کے دن سب سے سخت عذاب (جانداروں کی) تصویریں بنانے والوں کو ہوگا، ان سے کہا جائے گا: جو تم نے پیدا کیا تھا اسے زندہ کرو۔“ [صحيح الجامع الصغير وزيادته/[حرف الألف] -- أر/حدیث: 999]

(نبی کریم صلی اللہ علیہ وسلم نے فرمایا:)
”قیامت کے دن لوگوں میں سب سے سخت عذاب اس شخص کو ہوگا جس نے کسی نبی کو قتل کیا ہو، یا اسے کسی نبی نے قتل کیا ہو، یا وہ شخص جو بغیر علم کے لوگوں کو گمراہ کرتا ہو، یا وہ مصور جو (جانداروں کے) مجسمے بناتا ہو۔“ [صحيح الجامع الصغير وزيادته/[حرف الألف] -- أر/حدیث: 1000]

(نبی کریم صلی اللہ علیہ وسلم نے فرمایا:)
”قیامت کے دن لوگوں میں سب سے سخت عذاب ظالم حکمران کو ہوگا۔“ [صحيح الجامع الصغير وزيادته/[حرف الألف] -- أر/حدیث: 1001]

(نبی کریم صلی اللہ علیہ وسلم نے فرمایا:)
”میری امت میں سب سے زیادہ حیا والے عثمان بن عفان ہیں۔“ [صحيح الجامع الصغير وزيادته/[حرف الألف] -- أر/حدیث: 1002]

(نبی کریم صلی اللہ علیہ وسلم نے فرمایا:)
”میری امت میں مجھ سے سب سے زیادہ محبت کرنے والے وہ لوگ ہوں گے جو میرے بعد آئیں گے، ان میں سے ہر ایک کی یہ تمنا ہوگی کہ کاش وہ اپنا اہل و عیال اور مال و دولت سب کچھ قربان کر دے اور مجھے ایک نظر دیکھ لے۔“ [صحيح الجامع الصغير وزيادته/[حرف الألف] -- أر/حدیث: 1003]

(نبی کریم صلی اللہ علیہ وسلم نے فرمایا:)
”عربوں کی کہی ہوئی سب سے بہترین شاعرانہ بات لبید کا یہ مصرع ہے: سن لو! اللہ کے سوا ہر چیز باطل (فنا ہونے والی) ہے۔“ [صحيح الجامع الصغير وزيادته/[حرف الألف] -- أر/حدیث: 1004]

(نبی کریم صلی اللہ علیہ وسلم نے فرمایا:)
”اذان کے کلمات جفت (دو دو بار) کہو اور اقامت کے کلمات طاق (ایک ایک بار) کہو۔“ [صحيح الجامع الصغير وزيادته/[حرف الألف] -- أر/حدیث: 1005]