(نبی کریم صلی اللہ علیہ وسلم نے فرمایا:)
”بیشک عورت بھی قوم کی طرف سے امان دے سکتی ہے۔“ یعنی وہ مسلمانوں کی طرف سے پناہ دے سکتی ہے۔ [صحيح الجامع الصغير وزيادته/[حرف الألف] -- إن ا/حدیث: 1945]

(نبی کریم صلی اللہ علیہ وسلم نے فرمایا:)
”بیشک لوٹ کر جانا اللہ ہی کی طرف ہے، جنت میں یا جہنم میں، جہاں موت کے بغیر ہمیشہ رہنا ہے اور بغیر کوچ کیے قیام کرنا ہے۔“ [صحيح الجامع الصغير وزيادته/[حرف الألف] -- إن ا/حدیث: 1946]

(نبی کریم صلی اللہ علیہ وسلم نے فرمایا:)
”بیشک سوال کرنا (مانگنا) ایک زخم ہے جس سے انسان اپنے چہرے کو زخمی کرتا ہے، سوائے اس کے کہ آدمی بادشاہ (حاکم) سے سوال کرے یا کسی ایسے معاملے میں مانگے جس کے بغیر کوئی چارہ نہ ہو۔“ [صحيح الجامع الصغير وزيادته/[حرف الألف] -- إن ا/حدیث: 1947]

(نبی کریم صلی اللہ علیہ وسلم نے فرمایا:)
”بیشک مسلمان جب اپنے مسلمان بھائی کی عیادت کرتا ہے تو وہ واپس لوٹنے تک جنت کے باغات میں رہتا ہے۔“ [صحيح الجامع الصغير وزيادته/[حرف الألف] -- إن ا/حدیث: 1948]

(نبی کریم صلی اللہ علیہ وسلم نے فرمایا:)
”بیشک سیدھی راہ پر چلنے والا مسلمان اپنے حسنِ اخلاق اور عمدہ خصلت کی بدولت کثرت سے روزے رکھنے والے اور اللہ کی آیات کے ساتھ راتوں کو قیام کرنے والے کا درجہ پا لیتا ہے۔“ [صحيح الجامع الصغير وزيادته/[حرف الألف] -- إن ا/حدیث: 1949]

(نبی کریم صلی اللہ علیہ وسلم نے فرمایا:)
”بیشک مسلمان کو ہر اس چیز پر اجر دیا جاتا ہے جو وہ خرچ کرتا ہے، سوائے اس چیز کے جسے وہ اس مٹی (یعنی غیر ضروری تعمیرات) میں لگاتا ہے۔“ [صحيح الجامع الصغير وزيادته/[حرف الألف] -- إن ا/حدیث: 1950]

(نبی کریم صلی اللہ علیہ وسلم نے فرمایا:)
”بیشک نمازی اپنے پروردگار سے مناجات (سرگوشی) کرتا ہے، لہٰذا اسے غور کرنا چاہیے کہ وہ اس سے کیا مناجات کر رہا ہے، اور تم تلاوتِ قرآن میں ایک دوسرے پر آواز بلند نہ کرو۔“ [صحيح الجامع الصغير وزيادته/[حرف الألف] -- إن ا/حدیث: 1951]

(نبی کریم صلی اللہ علیہ وسلم نے فرمایا:)
”بیشک بندے کے لیے اللہ تعالیٰ کی طرف سے مدد اس کے اخراجات (اور بوجھ) کے بقدر آتی ہے، اور اللہ کی طرف سے صبر مصیبت کے بقدر نازل ہوتا ہے۔“ [صحيح الجامع الصغير وزيادته/[حرف الألف] -- إن ا/حدیث: 1952]

(نبی کریم صلی اللہ علیہ وسلم نے فرمایا:)
”بیشک انصاف کرنے والے قیامت کے دن اللہ تعالیٰ کے ہاں نور کے منبروں پر رحمٰن کے دائیں جانب ہوں گے، اور اس کے دونوں ہاتھ دائیں ہیں، یہ وہ لوگ ہیں جو اپنے فیصلوں، اپنے اہل و عیال اور جن چیزوں کی انہیں ذمہ داری سونپی گئی ہے، ان میں عدل سے کام لیتے ہیں۔“ [صحيح الجامع الصغير وزيادته/[حرف الألف] -- إن ا/حدیث: 1953]

(نبی کریم صلی اللہ علیہ وسلم نے فرمایا:)
”بیشک (دنیا میں) مال کی کثرت والے ہی قیامت کے دن (ثواب کے لحاظ سے) کم تر ہوں گے، سوائے اس شخص کے جسے اللہ تعالیٰ نے مال و دولت سے نوازا ہو اور وہ اسے اپنے دائیں، بائیں، آگے اور پیچھے (راہِ خدا میں) خرچ کرے اور اس مال کے ذریعے نیک اعمال کرے۔“ [صحيح الجامع الصغير وزيادته/[حرف الألف] -- إن ا/حدیث: 1954]