(نبی کریم صلی اللہ علیہ وسلم نے فرمایا:)
”بیشک مومنوں پر سختیاں (آزمائشیں) اس لیے ڈالی جاتی ہیں کیونکہ مومن کو کانٹا چبھنے یا اس سے بڑھ کر کوئی بھی مصیبت اور کوئی تکلیف نہیں پہنچتی، مگر اللہ تعالیٰ اس کے بدلے اس کا ایک درجہ بلند فرما دیتا ہے اور اس کا ایک گناہ مٹا دیتا ہے۔“ [صحيح الجامع الصغير وزيادته/[حرف الألف] -- إن ا/حدیث: 1935]

(نبی کریم صلی اللہ علیہ وسلم نے فرمایا:)
”بیشک خریدار اور بیچنے والے کو اپنی خرید و فروخت میں اس وقت تک اختیار حاصل ہے جب تک وہ دونوں ایک دوسرے سے جدا نہ ہو جائیں، یا یہ کہ بیع ہی اختیار کی شرط پر ہو۔“ [صحيح الجامع الصغير وزيادته/[حرف الألف] -- إن ا/حدیث: 1936]

(نبی کریم صلی اللہ علیہ وسلم نے فرمایا:)
”بیشک اللہ کی رضا کے لیے آپس میں محبت کرنے والے (قیامت کے دن) عرش کے سائے میں ہوں گے۔“ [صحيح الجامع الصغير وزيادته/[حرف الألف] -- إن ا/حدیث: 1937]

(نبی کریم صلی اللہ علیہ وسلم نے فرمایا:)
”بیشک (بغیر شرعی عذر کے) خلع لینے والی اور طلاق مانگنے والی عورتیں منافق ہیں۔“ [صحيح الجامع الصغير وزيادته/[حرف الألف] -- إن ا/حدیث: 1938]

(نبی کریم صلی اللہ علیہ وسلم نے فرمایا:)
”بیشک عورت جب سامنے آتی ہے تو شیطان کی صورت میں آتی ہے، لہٰذا جب تم میں سے کوئی شخص کسی عورت کو دیکھے اور وہ اسے اچھی لگے، تو اسے چاہیے کہ اپنی بیوی کے پاس چلا جائے، کیونکہ جو کچھ اس (اجنبی عورت) کے پاس ہے، ویسا ہی اس کی بیوی کے پاس بھی ہے۔“ [صحيح الجامع الصغير وزيادته/[حرف الألف] -- إن ا/حدیث: 1939]

(نبی کریم صلی اللہ علیہ وسلم نے فرمایا:)
”بیشک عورت جب سامنے آتی ہے تو شیطان کی صورت میں آتی ہے اور جب پیٹھ پھیرتی ہے تب بھی شیطان کی صورت میں ہوتی ہے، پس جب تم میں سے کوئی کسی عورت کو دیکھے اور وہ اسے بھلی لگے، تو اسے چاہیے کہ اپنی بیوی کے پاس چلا جائے، کیونکہ یہ عمل اس کے دل کے وسوسے کو دور کر دے گا۔“ [صحيح الجامع الصغير وزيادته/[حرف الألف] -- إن ا/حدیث: 1940]

(نبی کریم صلی اللہ علیہ وسلم نے فرمایا:)
”بیشک عورت سے اس کے دین، اس کے مال اور اس کے حسن کی وجہ سے نکاح کیا جاتا ہے، لہٰذا تم دین دار عورت کو لازم پکڑو، تمہارے ہاتھ خاک آلود ہوں (یعنی تمہیں بھلائی نصیب ہو)۔“ [صحيح الجامع الصغير وزيادته/[حرف الألف] -- إن ا/حدیث: 1941]

(نبی کریم صلی اللہ علیہ وسلم نے فرمایا:)
”بیشک عورت پسلی سے پیدا کی گئی ہے، اگر تم اسے سیدھا کرنے جاؤ گے تو اسے توڑ دو گے، اور اگر تم اسے اسی حال پر چھوڑ دو گے تو اس میں ٹیڑھ رہے گی اور اسی سے تمہارا گزارہ ہوگا۔“ [صحيح الجامع الصغير وزيادته/[حرف الألف] -- إن ا/حدیث: 1942]

(نبی کریم صلی اللہ علیہ وسلم نے فرمایا:)
”بیشک عورت پسلی سے پیدا کی گئی ہے، وہ تمہارے لیے کبھی کسی ایک طریقے پر سیدھی نہیں ہو سکتی، پس اگر تم اس سے فائدہ اٹھانا چاہتے ہو تو اسی ٹیڑھ کے ساتھ فائدہ اٹھا سکتے ہو، اور اگر تم اسے سیدھا کرنے جاؤ گے تو اسے توڑ دو گے، اور اس کا توڑنا اسے طلاق دینا ہے۔“ [صحيح الجامع الصغير وزيادته/[حرف الألف] -- إن ا/حدیث: 1943]

(نبی کریم صلی اللہ علیہ وسلم نے فرمایا:)
”بیشک عورت پسلی سے پیدا کی گئی ہے اور اگر تم پسلی کو سیدھا کرنا چاہو گے تو اسے توڑ دو گے، لہٰذا اس کے ساتھ مدارات (نرمی اور حکمت) سے پیش آؤ، تم اس کے ساتھ بخوشی زندگی گزار لو گے۔“ [صحيح الجامع الصغير وزيادته/[حرف الألف] -- إن ا/حدیث: 1944]