(نبی کریم صلی اللہ علیہ وسلم نے فرمایا:)
”بہترین مقامات جن کی طرف سواریاں دوڑائی جائیں میری یہ مسجد اور بیت العتیق ہیں۔“ [صحيح الجامع الصغير وزيادته/حرف الخاء./حدیث: 3325]

(نبی کریم صلی اللہ علیہ وسلم نے فرمایا:)
”انسان کے پیچھے چھوڑی جانے والی سب سے بہتر تین چیزیں ہیں: نیک اولاد جو اس کے لیے دعا کرے، جاری رہنے والا صدقہ جس کا اجر اسے پہنچتا رہے، اور ایسا علم جس سے اس کے بعد فائدہ اٹھایا جائے۔“ [صحيح الجامع الصغير وزيادته/حرف الخاء./حدیث: 3326]

(نبی کریم صلی اللہ علیہ وسلم نے فرمایا:)
”عورتوں کی بہترین نماز کی جگہ ان کے گھروں کا اندرونی حصہ ہے۔“ [صحيح الجامع الصغير وزيادته/حرف الخاء./حدیث: 3327]

(نبی کریم صلی اللہ علیہ وسلم نے فرمایا:)
”دنیا جہان کی عورتوں میں سب سے بہتر چار ہیں: مریم بنت عمران، خدیجہ بنت خویلد، فاطمہ بنت محمد، اور آسیہ زوجہ فرعون۔“ [صحيح الجامع الصغير وزيادته/حرف الخاء./حدیث: 3328]

(نبی کریم صلی اللہ علیہ وسلم نے فرمایا:)
”اونٹوں پر سوار ہونے والی عورتوں میں سب سے بہتر قریش کی نیک عورتیں ہیں، جو بچپن میں بچے پر سب سے زیادہ مہربان اور شوہر کے مال کی سب سے زیادہ نگہداشت کرنے والی ہیں۔“ [صحيح الجامع الصغير وزيادته/حرف الخاء./حدیث: 3329]

(نبی کریم صلی اللہ علیہ وسلم نے فرمایا:)
”تمہاری عورتوں میں سب سے بہتر وہ ہیں جو زیادہ بچے جننے والی، محبت کرنے والی، غم گسار اور موافقت کرنے والی ہوں، بشرطیکہ وہ اللہ سے ڈرتی ہوں، اور تمہاری عورتوں میں سب سے بری وہ ہیں جو بناؤ سنگھار کر کے نکلنے والی اور تکبر کرنے والی ہوں، یہی منافق عورتیں ہیں، ان میں سے جنت میں وہی داخل ہو گی جو اس نایاب سفید پاؤں والے کوے کی طرح کمیاب ہو۔“ [صحيح الجامع الصغير وزيادته/حرف الخاء./حدیث: 3330]

(نبی کریم صلی اللہ علیہ وسلم نے فرمایا:)
”اس کی بہترین عورت مریم بنت عمران ہیں، اور اس کی بہترین عورت خدیجہ بنت خویلد ہیں۔“ [صحيح الجامع الصغير وزيادته/حرف الخاء./حدیث: 3331]

(نبی کریم صلی اللہ علیہ وسلم نے فرمایا:)
”پچھنے لگوانے کے لیے سب سے بہتر دن سترہویں، انیسویں اور اکیسویں تاریخ ہیں، اور شبِ اسراء میں مجھے فرشتوں کی جو بھی جماعت ملی انہوں نے یہی کہا: اے محمد! پچھنے لگوانے کا اہتمام کیجیے۔“ [صحيح الجامع الصغير وزيادته/حرف الخاء./حدیث: 3332]

(نبی کریم صلی اللہ علیہ وسلم نے فرمایا:)
”سب سے بہتر دن جس پر سورج طلوع ہوا وہ جمعہ کا دن ہے، اسی دن آدم علیہ السلام پیدا ہوئے، اسی دن انہیں جنت میں داخل کیا گیا، اور اسی دن انہیں اس سے نکالا گیا، اور قیامت بھی جمعہ کے دن ہی قائم ہو گی۔“ [صحيح الجامع الصغير وزيادته/حرف الخاء./حدیث: 3333]

(نبی کریم صلی اللہ علیہ وسلم نے فرمایا:)
”سب سے بہتر دن جس پر سورج طلوع ہوا وہ جمعہ کا دن ہے، اسی دن آدم علیہ السلام پیدا ہوئے، اسی دن انہیں زمین پر اتارا گیا، اسی دن ان کی توبہ قبول ہوئی، اسی دن ان کی وفات ہوئی، اور اسی دن قیامت قائم ہو گی۔ زمین پر کوئی جانور ایسا نہیں جو جمعہ کے دن صبح کے وقت قیامت کے خوف سے کان لگائے نہ ہو، سوائے انسان کے، یہاں تک کہ سورج طلوع ہو جائے۔ اور اس دن ایک ایسی گھڑی ہے کہ جو مومن بندہ نماز کی حالت میں اسے پا لے اور اللہ سے کوئی چیز مانگے تو اللہ اسے وہ ضرور عطا فرما دیتا ہے۔“ [صحيح الجامع الصغير وزيادته/حرف الخاء./حدیث: 3334]