(نبی کریم صلی اللہ علیہ وسلم نے فرمایا:)
”میرے بعد ایسے حکمران/امام ہوں گے جو بات کریں گے تو ان کی بات رد نہیں کی جائے گی، (لیکن) وہ ایک دوسرے کے پیچھے جہنم میں کود پڑیں گے جیسے بندر ایک دوسرے کے پیچھے کودتے ہیں۔“ [صحيح الجامع الصغير وزيادته/حرف السين./حدیث: 3615]

(نبی کریم صلی اللہ علیہ وسلم نے فرمایا:)
”عنقریب نئے حالات، فتنہ، تفرقہ اور اختلاف پیدا ہوں گے، پس اگر تم مقتول بن سکو نہ کہ قاتل، تو ایسا ہی کرو۔“ [صحيح الجامع الصغير وزيادته/حرف السين./حدیث: 3616]

(نبی کریم صلی اللہ علیہ وسلم نے فرمایا:)
”عنقریب ایسے حکمران ہوں گے جو (دنیاوی) کاموں میں مصروف ہو کر نماز کو اس کے وقت سے مؤخر کر دیں گے، پس تم ان کے ساتھ (پڑھی جانے والی) اپنی نماز کو نفل بنا لینا۔“ [صحيح الجامع الصغير وزيادته/حرف السين./حدیث: 3617]

(نبی کریم صلی اللہ علیہ وسلم نے فرمایا:)
”عنقریب ایسے حکمران ہوں گے کہ تم (ان کے کچھ کاموں کو) اچھا اور (کچھ کو) برا سمجھو گے، پس جس نے (دل سے) برا جانا وہ بری ہو گیا، اور جس نے (کھلم کھلا) انکار کیا وہ محفوظ رہا، لیکن جو راضی ہوا اور پیروی کی وہ بری نہ ہو سکا۔“ [صحيح الجامع الصغير وزيادته/حرف السين./حدیث: 3618]

(نبی کریم صلی اللہ علیہ وسلم نے فرمایا:)
”میرے بعد ایسے امام ہوں گے جو نماز کو اس کے اوقات سے مؤخر کر دیں گے، تم اسے اس کے وقت پر پڑھ لینا، پھر اگر تم ان کے ساتھ (دوبارہ) نماز میں حاضر ہو تو (ان کے ساتھ بھی) پڑھ لینا۔“ [صحيح الجامع الصغير وزيادته/حرف السين./حدیث: 3619]

(نبی کریم صلی اللہ علیہ وسلم نے فرمایا:)
”میرے بعد ترجیح (اپنوں کو نوازنا) اور ایسے کام ہوں گے جنہیں تم برا سمجھو گے۔ صحابہ نے پوچھا: پھر آپ ہمیں کیا حکم دیتے ہیں؟ آپ صلی اللہ علیہ وسلم نے فرمایا: تم اپنا حق (جو تم پر واجب ہے) ادا کرتے رہو اور اپنا (جو حق تمہارا ہے) اللہ سے مانگتے رہو۔“ [صحيح الجامع الصغير وزيادته/حرف السين./حدیث: 3620]

(نبی کریم صلی اللہ علیہ وسلم نے فرمایا:)
”میرے بعد کئی خرابیاں پیدا ہوں گی، پس تم جسے بھی جماعت سے الگ ہوتے یا امتِ محمد کے معاملے میں تفرقہ ڈالنے کی کوشش کرتے دیکھو، وہ جو بھی ہو، اسے قتل کر دو، کیونکہ اللہ کا ہاتھ جماعت کے ساتھ ہے، اور شیطان اس شخص کے ساتھ دوڑتا ہے جو جماعت سے الگ ہو جائے۔“ [صحيح الجامع الصغير وزيادته/حرف السين./حدیث: 3621]

(نبی کریم صلی اللہ علیہ وسلم نے فرمایا:)
”میرے بعد کئی، کئی خرابیاں پیدا ہوں گی، پس جو کوئی مسلمانوں کا معاملہ متفرق کرنا چاہے جبکہ وہ متحد ہوں، تو اسے تلوار سے مار دو، وہ جو بھی ہو۔“ [صحيح الجامع الصغير وزيادته/حرف السين./حدیث: 3622]

(نبی کریم صلی اللہ علیہ وسلم نے فرمایا:)
”عنقریب ایک فتنہ برپا ہو گا جس میں بیٹھا رہنے والا کھڑے ہونے والے سے بہتر ہو گا، اور کھڑا ہونے والا چلنے والے سے بہتر ہو گا، اور چلنے والا دوڑنے والے سے بہتر ہو گا۔ عرض کیا گیا: اے اللہ کے رسول! اگر کوئی میرے گھر میں گھس آئے اور مجھے قتل کرنے کے لیے ہاتھ بڑھائے تو آپ کا کیا خیال ہے؟ آپ صلی اللہ علیہ وسلم نے فرمایا: تم آدم کے (نیک) بیٹے کی طرح ہو جانا۔“ [صحيح الجامع الصغير وزيادته/حرف السين./حدیث: 3623]

(نبی کریم صلی اللہ علیہ وسلم نے فرمایا:)
”عنقریب فتنے برپا ہوں گے جن میں بیٹھا رہنے والا کھڑے ہونے والے سے بہتر ہو گا، اور کھڑا ہونے والا چلنے والے سے بہتر ہو گا، اور چلنے والا دوڑنے والے سے بہتر ہو گا، جو اس کی طرف جھانکے گا وہ اسے تباہ کر دے گا، اور جسے اس میں کوئی پناہ گاہ مل جائے تو وہ اسی کی پناہ لے لے۔“ [صحيح الجامع الصغير وزيادته/حرف السين./حدیث: 3624]