(نبی کریم صلی اللہ علیہ وسلم نے فرمایا:)
”عنقریب ایسی کانیں ہوں گی جن پر بدترین لوگ جمع ہوں گے۔“ [صحيح الجامع الصغير وزيادته/حرف السين./حدیث: 3625]

(نبی کریم صلی اللہ علیہ وسلم نے فرمایا:)
”نماز میں سجدہ سہو کے دو سجدے ہر قسم کی کمی بیشی (کی تلافی) کے لیے کافی ہیں۔“ [صحيح الجامع الصغير وزيادته/حرف السين./حدیث: 3626]

(نبی کریم صلی اللہ علیہ وسلم نے فرمایا:)
”میانہ روی اختیار کرو اور (کمال کے) قریب رہنے کی کوشش کرو۔“ [صحيح الجامع الصغير وزيادته/حرف السين./حدیث: 3627]

(نبی کریم صلی اللہ علیہ وسلم نے فرمایا:)
”میانہ روی اختیار کرو اور (کمال کے) قریب رہنے کی کوشش کرو، اور خوش ہو جاؤ، اور جان لو کہ تم میں سے کسی کو بھی اس کا عمل جنت میں داخل نہیں کرے گا، اور نہ مجھے، سوائے اس کے کہ اللہ اپنی مغفرت اور رحمت سے مجھے ڈھانپ لے۔“ [صحيح الجامع الصغير وزيادته/حرف السين./حدیث: 3628]

(نبی کریم صلی اللہ علیہ وسلم نے فرمایا:)
”ابن آدم کی خوش بختی تین چیزوں میں ہے اور اس کی بدبختی بھی تین چیزوں میں ہے: ابن آدم کی خوش بختی میں سے ہے: نیک بیوی، اچھی سواری اور کشادہ گھر۔ اور ابن آدم کی بدبختی تین چیزوں میں ہے: برا گھر، بری بیوی اور بری سواری۔“ [صحيح الجامع الصغير وزيادته/حرف السين./حدیث: 3629]

(نبی کریم صلی اللہ علیہ وسلم نے فرمایا:)
”اس (کنواری لڑکی) کی خاموشی اس کا اقرار ہے۔“ [صحيح الجامع الصغير وزيادته/حرف السين./حدیث: 3630]

(نبی کریم صلی اللہ علیہ وسلم نے فرمایا:)
”اللہ سے دنیا و آخرت میں معافی اور عافیت مانگو۔“ [صحيح الجامع الصغير وزيادته/حرف السين./حدیث: 3631]

(نبی کریم صلی اللہ علیہ وسلم نے فرمایا:)
”اللہ سے معافی اور عافیت مانگو، کیونکہ یقین (ایمان) کے بعد کسی کو عافیت سے بہتر کوئی چیز نہیں دی گئی۔“ [صحيح الجامع الصغير وزيادته/حرف السين./حدیث: 3632]

(نبی کریم صلی اللہ علیہ وسلم نے فرمایا:)
”اللہ سے دعا کرو کہ وہ تمہاری خامیوں کو چھپائے اور تمہارے خوف کو امن میں بدل دے۔“ [صحيح الجامع الصغير وزيادته/حرف السين./حدیث: 3633]

(نبی کریم صلی اللہ علیہ وسلم نے فرمایا:)
”اللہ سے (دعا مانگتے وقت) اپنی ہتھیلیوں کے اندرونی رخ سے مانگو، ان کی پشت سے مت مانگو۔“ [صحيح الجامع الصغير وزيادته/حرف السين./حدیث: 3634]