(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم فجر کی نماز پڑھتے تو اہلِ مدینہ اپنے برتن، جن میں پانی ہوتا، لے کر آپ صلی اللہ علیہ وسلم کے پاس آتے، تو جو بھی برتن لایا جاتا آپ صلی اللہ علیہ وسلم اس میں اپنا ہاتھ ڈبو دیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4746]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم فجر کی نماز پڑھتے تو سورج طلوع ہونے تک اپنی نماز کی جگہ پر بیٹھے رہتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4747]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم سفر میں فجر کی نماز پڑھتے تو اپنی سواری سے تھوڑی دیر پیدل چلتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4748]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم فجر کی دو سنتیں پڑھ لیتے تو اپنے دائیں پہلو پر لیٹ جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4749]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کوئی نماز پڑھتے تو اس پر ہمیشگی اختیار فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4750]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم خانہ کعبہ کا طواف فرماتے تو ہر چکر میں حجرِ اسود اور رکنِ یمانی کا استلام فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4751]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم رات کے وقت پڑاؤ فرماتے تو اپنے دائیں ہاتھ پر سر رکھ کر لیٹ جاتے، اور جب صبح سے پہلے پڑاؤ فرماتے تو اپنا سر اپنے دائیں ہاتھ کی ہتھیلی پر رکھتے اور اپنا بازو کھڑا رکھتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4752]

(نبی کریم صلی اللہ علیہ وسلم کا معمول تھا:)
”جب تیز آندھی چلتی تو آپ صلی اللہ علیہ وسلم فرماتے: اے اللہ! میں تجھ سے اس کی بھلائی، اس میں موجود بھلائی اور جس چیز کے ساتھ یہ بھیجی گئی ہے اس کی بھلائی مانگتا ہوں، اور تیری پناہ مانگتا ہوں اس کے شر، اس میں موجود شر اور جس چیز کے ساتھ یہ بھیجی گئی ہے اس کے شر سے۔“ [صحيح الجامع الصغير وزيادته/باب كان وهي الشمائل الشريفة/حدیث: 4753]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کو چھینک آتی تو آپ صلی اللہ علیہ وسلم اللہ کی حمد بیان فرماتے، تو آپ صلی اللہ علیہ وسلم سے کہا جاتا: اللہ آپ پر رحم فرمائے، تو آپ صلی اللہ علیہ وسلم فرماتے: اللہ تمہیں ہدایت دے اور تمہارا حال درست فرمائے۔“ [صحيح الجامع الصغير وزيادته/باب كان وهي الشمائل الشريفة/حدیث: 4754]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کو چھینک آتی تو آپ صلی اللہ علیہ وسلم اپنا ہاتھ یا کپڑا اپنے منہ پر رکھ لیتے اور اپنی آواز دھیمی کر لیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4755]