(نبی کریم صلی اللہ علیہ وسلم کا معمول تھا:)
”جب عید کا دن ہوتا تو آپ صلی اللہ علیہ وسلم راستہ بدل لیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4776]

(نبی کریم صلی اللہ علیہ وسلم کا معمول تھا:)
”جب کوئی معاملہ آپ صلی اللہ علیہ وسلم کو پریشان کرتا تو آپ صلی اللہ علیہ وسلم فرماتے: اے زندہ! اے قائم رکھنے والے! میں تیری رحمت کا سہارا مانگتا ہوں۔“ [صحيح الجامع الصغير وزيادته/باب كان وهي الشمائل الشريفة/حدیث: 4777]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کوئی چیز ناپسند فرماتے تو یہ بات آپ صلی اللہ علیہ وسلم کے چہرے سے ظاہر ہو جاتی۔“ [صحيح الجامع الصغير وزيادته/باب كان وهي الشمائل الشريفة/حدیث: 4778]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم قمیض پہنتے تو دائیں طرف سے شروع کرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4779]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کے صحابہ میں سے کوئی آپ صلی اللہ علیہ وسلم سے ملتا اور آپ صلی اللہ علیہ وسلم کے ساتھ کھڑا ہو جاتا تو آپ صلی اللہ علیہ وسلم اس وقت تک واپس نہ پلٹتے جب تک وہ آدمی خود واپس نہ چلا جاتا۔ اور جب آپ صلی اللہ علیہ وسلم کے صحابہ میں سے کوئی آپ صلی اللہ علیہ وسلم سے ملتا اور آپ صلی اللہ علیہ وسلم کا ہاتھ تھام لیتا تو آپ صلی اللہ علیہ وسلم اپنا ہاتھ اس وقت تک نہ کھینچتے جب تک وہ آدمی خود اپنا ہاتھ نہ کھینچ لیتا۔ اور جب آپ صلی اللہ علیہ وسلم کسی صحابی سے ملتے اور وہ آپ صلی اللہ علیہ وسلم کے کان کے قریب ہو کر کان تھام لیتا تو آپ صلی اللہ علیہ وسلم اسے اس وقت تک نہ ہٹاتے جب تک وہ آدمی خود اسے نہ ہٹا لیتا۔“ [صحيح الجامع الصغير وزيادته/باب كان وهي الشمائل الشريفة/حدیث: 4780]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کے صحابہ میں سے کوئی آپ صلی اللہ علیہ وسلم سے ملتا تو آپ صلی اللہ علیہ وسلم اسے شفقت سے چھو کر اس کے لیے دعا فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4781]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم تلاوت میں کسی ایسی آیت پر گزرتے جس میں عذاب کا خوف ہوتا تو پناہ مانگتے، اور جب کسی رحمت کی آیت پر گزرتے تو اللہ سے سوال کرتے، اور جب کسی ایسی آیت پر گزرتے جس میں اللہ کی تنزیہ ہوتی تو تسبیح بیان کرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4782]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کے گھر والوں میں سے کوئی بیمار ہوتا تو آپ صلی اللہ علیہ وسلم معوذات پڑھ کر اس پر پھونک مارتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4783]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم چلتے تو زور سے قدم اٹھاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4784]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم چلتے تو گویا آپ صلی اللہ علیہ وسلم کسی چیز پر ٹیک لگا رہے ہوں۔“ [صحيح الجامع الصغير وزيادته/باب كان وهي الشمائل الشريفة/حدیث: 4785]