(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم جمرہ عقبہ کو کنکریاں مارتے تو آگے بڑھ جاتے اور وہاں نہ ٹھہرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4736]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اللہ سے سوال فرماتے تو اپنی دونوں ہتھیلیوں کا اندرونی رخ اس کی طرف کرتے…۔“ [صحيح الجامع الصغير وزيادته/باب كان وهي الشمائل الشريفة/حدیث: 4737]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم سجدہ فرماتے تو اپنے بازوؤں کو پہلوؤں سے اتنا دور رکھتے کہ آپ صلی اللہ علیہ وسلم کی بغلوں کی سفیدی نظر آتی۔“ [صحيح الجامع الصغير وزيادته/باب كان وهي الشمائل الشريفة/حدیث: 4738]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم خوش ہوتے تو آپ صلی اللہ علیہ وسلم کا چہرہ چمک اٹھتا، گویا وہ چاند کا ٹکڑا ہو۔“ [صحيح الجامع الصغير وزيادته/باب كان وهي الشمائل الشريفة/حدیث: 4739]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم سلام پھیرتے تو صرف اتنی دیر بیٹھتے جتنی دیر میں یہ کہا جا سکے: اے اللہ! تو ہی سلامتی والا ہے اور سلامتی تیری ہی طرف سے ہے، اے جلال اور بزرگی والے! تو بابرکت ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4740]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم مؤذن کو سنتے تو ویسے ہی کہتے جیسے وہ کہتا، یہاں تک کہ جب وہ «حَيَّ عَلَى الصَّلَاةِ حَيَّ عَلَى الْفَلَاحِ» (نماز کی طرف آؤ، کامیابی کی طرف آؤ) کہتا تو آپ صلی اللہ علیہ وسلم فرماتے: «لَا حَوْلَ وَلَا قُوَّةَ إِلَّا بِاللَّهِ» (گناہوں سے بچنے کی طاقت اور نیکیاں کرنے کی قوت اللہ ہی کی توفیق سے ہے)۔“ [صحيح الجامع الصغير وزيادته/باب كان وهي الشمائل الشريفة/حدیث: 4741]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم مؤذن کو شہادت کہتے سنتے تو فرماتے: میں بھی، میں بھی گواہی دیتا ہوں۔“ [صحيح الجامع الصغير وزيادته/باب كان وهي الشمائل الشريفة/حدیث: 4742]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کوئی برا نام سنتے تو اسے اس سے بہتر نام میں بدل دیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4743]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کچھ پیتے تو تین بار سانس لیتے اور فرماتے: یہ زیادہ خوش گوار، زیادہ ہضم ہونے والا اور زیادہ صحت بخش ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4744]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم منبر پر چڑھتے تو سلام کہتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4745]