(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی قوم سے خوف محسوس فرماتے تو کہتے: اے اللہ! ہم تجھے ان کے مقابلے میں (ڈھال) بناتے ہیں اور ان کے شر سے تیری پناہ مانگتے ہیں۔“ [صحيح الجامع الصغير وزيادته/باب كان وهي الشمائل الشريفة/حدیث: 4706]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم بیت الخلاء سے نکلتے تو فرماتے: اے اللہ! تیری بخشش مانگتا ہوں۔“ [صحيح الجامع الصغير وزيادته/باب كان وهي الشمائل الشريفة/حدیث: 4707]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنے گھر سے نکلتے تو فرماتے: اللہ کے نام سے، میں نے اللہ پر بھروسا کیا، اے اللہ! ہم تیری پناہ مانگتے ہیں اس سے کہ ہم پھسل جائیں یا گمراہ ہو جائیں، یا ظلم کریں یا ہم پر ظلم کیا جائے، یا ہم جہالت کریں یا ہم سے جہالت کی جائے۔“ [صحيح الجامع الصغير وزيادته/باب كان وهي الشمائل الشريفة/حدیث: 4708]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنے گھر سے نکلتے تو فرماتے: اللہ کے نام سے، اے رب! میں تیری پناہ مانگتا ہوں اس سے کہ میں پھسل جاؤں یا گمراہ ہو جاؤں، یا ظلم کروں یا مجھ پر ظلم کیا جائے، یا میں جہالت کروں یا مجھ سے جہالت کی جائے۔“ [صحيح الجامع الصغير وزيادته/باب كان وهي الشمائل الشريفة/حدیث: 4709]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم عید کے دن ایک راستے سے نکلتے تو دوسرے راستے سے واپس آتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4710]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم خطبہ دیتے تو آپ صلی اللہ علیہ وسلم کی آنکھیں سرخ ہو جاتیں، آواز بلند ہو جاتی اور غصہ شدید ہو جاتا، گویا آپ صلی اللہ علیہ وسلم کسی لشکر کے حملے سے ڈرانے والے ہیں جو کہہ رہا ہو: دشمن تم پر صبح یا شام حملہ کرنے والا ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4711]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم بیت الخلاء میں داخل ہوتے تو فرماتے: اے اللہ! میں تیری پناہ مانگتا ہوں خبیث جنوں اور خبیث جنیوں سے۔“ [صحيح الجامع الصغير وزيادته/باب كان وهي الشمائل الشريفة/حدیث: 4712]

(نبی کریم صلی اللہ علیہ وسلم کا معمول تھا:)
”جب رمضان کے آخری دس دن شروع ہوتے تو آپ صلی اللہ علیہ وسلم اپنا تہبند مضبوط باندھ لیتے، اپنی راتیں جگاتے اور اپنے گھر والوں کو بھی جگاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4713]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم بیت الخلاء میں داخل ہوتے تو فرماتے: اللہ کے نام سے، اے اللہ! میں تیری پناہ مانگتا ہوں خبیث جنوں اور خبیث جنیوں سے۔“ [صحيح الجامع الصغير وزيادته/باب كان وهي الشمائل الشريفة/حدیث: 4714]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم مسجد میں داخل ہوتے تو فرماتے: میں اللہ عظیم کی، اس کے کریم چہرے کی اور اس کی قدیم بادشاہت کی پناہ مانگتا ہوں شیطان مردود سے۔ اور آپ صلی اللہ علیہ وسلم نے فرمایا: جو یہ کہے وہ باقی سارے دن اس شیطان سے محفوظ رہتا ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4715]