(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم ”سَبِّحِ اسْمَ رَبِّکَ الْأَعْلَی“ پڑھتے تو فرماتے: سبحان ربی الاعلیٰ۔“ [صحيح الجامع الصغير وزيادته/باب كان وهي الشمائل الشريفة/حدیث: 4766]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم رات کو نماز میں قرآت فرماتے تو کبھی آواز بلند کرتے اور کبھی پست۔“ [صحيح الجامع الصغير وزيادته/باب كان وهي الشمائل الشريفة/حدیث: 4767]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کے سامنے کھانا رکھا جاتا تو آپ صلی اللہ علیہ وسلم فرماتے: بسم اللہ، اور جب فارغ ہوتے تو فرماتے: اے اللہ! تو نے کھلایا، پلایا، مالدار کیا، سامانِ زندگی میں کفایت کی، ہدایت دی اور چن لیا، اے اللہ! تیری ہی حمد ہے اس پر جو تو نے عطا فرمایا۔“ [صحيح الجامع الصغير وزيادته/باب كان وهي الشمائل الشريفة/حدیث: 4768]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی غزوے، حج یا عمرے سے واپس تشریف لاتے تو زمین کی ہر بلندی پر تین بار تکبیر کہتے، پھر فرماتے: «لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ آيِبُونَ تَائِبُونَ عَابِدُونَ سَاجِدُونَ لِرَبِّنَا حَامِدُونَ صَدَقَ اللَّهُ وَعْدَهُ وَنَصَرَ عَبْدَهُ وَهَزَمَ الْأَحْزَابَ وَحْدَهُ» (اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، بادشاہی اسی کی ہے اور حمد اسی کے لیے ہے، اور وہ ہر چیز پر قادر ہے۔ ہم لوٹنے والے، توبہ کرنے والے، عبادت کرنے والے، سجدہ کرنے والے، اپنے رب کی حمد بیان کرنے والے ہیں۔ اللہ نے اپنا وعدہ سچا کر دکھایا، اپنے بندے کی مدد فرمائی اور اکیلے ہی دشمن کے لشکروں کو شکست دی)۔“ [صحيح الجامع الصغير وزيادته/باب كان وهي الشمائل الشريفة/حدیث: 4769]

(نبی کریم صلی اللہ علیہ وسلم کا معمول تھا:)
”جب تازہ کھجوریں موجود ہوتیں تو آپ صلی اللہ علیہ وسلم تازہ کھجوروں ہی سے روزہ افطار فرماتے، اور جب تازہ کھجوریں نہ ہوتیں تو خشک کھجوروں سے روزہ افطار فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4770]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم رکوع یا سجدے میں ہوتے تو فرماتے: اے اللہ! تو پاک ہے اور تیری ہی حمد ہے، میں تجھ سے بخشش مانگتا ہوں اور تیری طرف رجوع کرتا ہوں۔“ [صحيح الجامع الصغير وزيادته/باب كان وهي الشمائل الشريفة/حدیث: 4771]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم روزے سے ہوتے تو کسی آدمی کو حکم دیتے کہ وہ کسی اونچی جگہ پر چڑھ جائے، پھر جب وہ کہتا کہ سورج غروب ہو گیا ہے تو آپ صلی اللہ علیہ وسلم روزہ افطار فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4772]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنی نماز کی طاق رکعت میں ہوتے تو اس وقت تک کھڑے نہ ہوتے جب تک پوری طرح بیٹھ نہ لیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4773]

(نبی کریم صلی اللہ علیہ وسلم کا معمول تھا:)
”جب یومِ ترویہ سے ایک دن پہلے کا دن ہوتا تو آپ صلی اللہ علیہ وسلم لوگوں کو خطبہ دیتے اور انہیں ان کے مناسک بتاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4774]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم مقیم ہوتے تو رمضان کے آخری دس دن اعتکاف فرماتے، اور جب سفر میں ہوتے تو اگلے سال بیس دن اعتکاف فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4775]