(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کے گھر والوں کو بخار آتا تو آپ صلی اللہ علیہ وسلم حساء (شوربہ نما غذا) بنانے کا حکم دیتے، پھر وہ بنایا جاتا تو آپ صلی اللہ علیہ وسلم انہیں اسے پینے کا حکم دیتے، اور آپ صلی اللہ علیہ وسلم فرمایا کرتے: یہ غمگین دل کو تسکین دیتا ہے اور بیمار کے دل کا غم دور کرتا ہے، جیسے تم میں سے کوئی عورت پانی سے اپنے چہرے کی میل دور کرتی ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4646]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنے بستر پر لیٹتے تو اپنا دایاں ہاتھ اپنے دائیں رخسار کے نیچے رکھتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4647]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنے بستر پر لیٹتے تو سورۃ ”قل یا ایہا الکافرون“ ختم ہونے تک پڑھتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4648]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم رات کو اپنے بستر پر لیٹتے تو فرماتے: اللہ کے نام سے میں نے اپنا پہلو رکھا، اے اللہ! میرا گناہ بخش دے، میرے شیطان کو دھتکار دے، میرا گروی (نفس) چھڑا دے، میرا میزان بھاری کر دے اور مجھے سب سے بلند مجلس میں شامل فرما۔“ [صحيح الجامع الصغير وزيادته/باب كان وهي الشمائل الشريفة/حدیث: 4649]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم رات کو اپنے بستر پر لیٹتے تو اپنا ہاتھ اپنے رخسار کے نیچے رکھتے، پھر فرماتے: «بِاسْمِكَ اللَّهُمَّ أَحْيَا وَبِاسْمِكَ أَمُوتُ» (اے اللہ! تیرے ہی نام سے جیتا ہوں اور تیرے ہی نام سے مرتا ہوں)۔ اور جب بیدار ہوتے تو فرماتے: «الْحَمْدُ لِلَّهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ» (تمام تعریفیں اللہ کے لیے ہیں جس نے ہمیں مارنے کے بعد زندہ کیا اور اسی کی طرف اٹھ کر جانا ہے)۔“ [صحيح الجامع الصغير وزيادته/باب كان وهي الشمائل الشريفة/حدیث: 4650]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم قضائے حاجت کا ارادہ فرماتے تو دور نکل جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4651]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم قضائے حاجت کا ارادہ فرماتے تو اپنا کپڑا اس وقت تک نہ اٹھاتے جب تک زمین کے قریب نہ ہو جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4652]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنی کسی بیوی سے، جو حیض کی حالت میں ہوتی، قربت کا ارادہ فرماتے تو اسے تہبند باندھنے کا حکم دیتے، پھر اس سے قربت فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4653]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم احرام باندھنے کا ارادہ فرماتے تو جو بہترین خوشبو میسر ہوتی وہ لگاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4654]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی کے خلاف یا کسی کے حق میں دعا کرنے کا ارادہ فرماتے تو رکوع کے بعد قنوت کرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4655]