(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم پگڑی باندھتے تو اس کا شملہ اپنے دونوں کندھوں کے درمیان لٹکا دیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4676]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی قوم کے ہاں روزہ افطار فرماتے تو کہتے: تمہارے ہاں روزہ داروں نے افطار کیا، نیک لوگوں نے تمہارا کھانا کھایا اور فرشتے تم پر نازل ہوئے۔“ [صحيح الجامع الصغير وزيادته/باب كان وهي الشمائل الشريفة/حدیث: 4677]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم روزہ افطار فرماتے تو کہتے: پیاس چلی گئی، رگیں تر ہو گئیں اور، اللہ نے چاہا تو، اجر ثابت ہو گیا۔“ [صحيح الجامع الصغير وزيادته/باب كان وهي الشمائل الشريفة/حدیث: 4678]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کسی قوم کے ہاں روزہ افطار فرماتے تو کہتے: تمہارے ہاں روزہ داروں نے افطار کیا اور فرشتوں نے تم پر رحمت بھیجی۔“ [صحيح الجامع الصغير وزيادته/باب كان وهي الشمائل الشريفة/حدیث: 4679]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم سرمہ لگاتے تو طاق تعداد میں لگاتے، اور جب پتھروں سے استنجا فرماتے تو طاق تعداد میں کرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4680]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کچھ کھاتے یا پیتے تو فرماتے: «الْحَمْدُ لِلَّهِ الَّذِي أَطْعَمَ وَسَقَى وَسَوَّغَهُ وَجَعَلَ لَهُ مَخْرَجًا» (تمام تعریفیں اللہ کے لیے ہیں جس نے کھلایا، پلایا، اسے خوش گوار بنایا اور اس کے لیے نکلنے کا راستہ بنایا)۔“ [صحيح الجامع الصغير وزيادته/باب كان وهي الشمائل الشريفة/حدیث: 4681]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کھانا کھاتے تو اپنی تینوں انگلیاں چاٹتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4682]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کھانا کھاتے تو آپ صلی اللہ علیہ وسلم کی انگلیاں کھانے کے سامنے سے تجاوز نہ کرتیں۔“ [صحيح الجامع الصغير وزيادته/باب كان وهي الشمائل الشريفة/حدیث: 4683]

(نبی کریم صلی اللہ علیہ وسلم کا معمول تھا:)
”جب دونوں ختنہ گاہیں مل جاتیں تو آپ صلی اللہ علیہ وسلم غسل فرماتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4684]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم پر وحی نازل ہوتی تو آپ صلی اللہ علیہ وسلم پر گرانی طاری ہو جاتی اور آپ صلی اللہ علیہ وسلم کا چہرہ متغیر ہو جاتا۔“ [صحيح الجامع الصغير وزيادته/باب كان وهي الشمائل الشريفة/حدیث: 4685]