(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم پر وحی نازل ہوتی تو آپ صلی اللہ علیہ وسلم اپنا سر جھکا لیتے اور آپ صلی اللہ علیہ وسلم کے صحابہ بھی اپنے سر جھکا لیتے، پھر جب وحی کا سلسلہ رک جاتا تو آپ صلی اللہ علیہ وسلم اپنا سر اٹھا لیتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4686]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم نماز سے فارغ ہوتے تو قبلہ سے دائیں یا بائیں مڑ جاتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4687]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنی نماز سے فارغ ہوتے تو تین بار استغفار کرتے، پھر فرماتے: اے اللہ! تو ہی سلامتی والا ہے اور سلامتی تیری ہی طرف سے ہے، اے جلال اور بزرگی والے! تو بابرکت ہے۔“ [صحيح الجامع الصغير وزيادته/باب كان وهي الشمائل الشريفة/حدیث: 4688]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنے بستر پر جاتے تو فرماتے: «الْحَمْدُ لِلَّهِ الَّذِي أَطْعَمَنَا وَسَقَانَا وَكَفَانَا وَآوَانَا فَكَمْ مِمَّنْ لَا كَافِيَ لَهُ وَلَا مُؤْوِيَ لَهُ» (تمام تعریفیں اللہ کے لیے ہیں جس نے ہمیں کھلایا، پلایا، کفایت کی اور ٹھکانہ دیا، کتنے ہی لوگ ہیں جن کے لیے نہ کوئی کفایت کرنے والا ہے اور نہ ٹھکانہ دینے والا)۔“ [صحيح الجامع الصغير وزيادته/باب كان وهي الشمائل الشريفة/حدیث: 4689]

(نبی کریم صلی اللہ علیہ وسلم کا معمول تھا:)
”جب لوگ آپ صلی اللہ علیہ وسلم سے بیعت کرتے تو آپ صلی اللہ علیہ وسلم انہیں یہ الفاظ سکھاتے: جتنی مجھ سے استطاعت ہو۔“ [صحيح الجامع الصغير وزيادته/باب كان وهي الشمائل الشريفة/حدیث: 4690]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم اپنے صحابہ میں سے کسی کو کسی کام کے لیے بھیجتے تو فرماتے: خوشخبری دو، نفرت نہ دلاؤ، اور آسانی پیدا کرو، مشکل نہ بناؤ۔“ [صحيح الجامع الصغير وزيادته/باب كان وهي الشمائل الشريفة/حدیث: 4691]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کو کسی آدمی کے بارے میں کوئی بات پہنچتی تو آپ صلی اللہ علیہ وسلم یہ نہ فرماتے کہ فلاں شخص کو کیا ہوا ہے کہ وہ ایسا کہتا ہے، بلکہ فرماتے: لوگوں کو کیا ہوا ہے کہ وہ ایسا ایسا کہتے ہیں۔“ [صحيح الجامع الصغير وزيادته/باب كان وهي الشمائل الشريفة/حدیث: 4692]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم رات کو نیند سے کروٹ بدلتے تو فرماتے: «لَا إِلَهَ إِلَّا اللَّهُ الْوَاحِدُ الْقَهَّارُ رَبُّ السَّمَوَاتِ وَالْأَرْضِ وَمَا بَيْنَهُمَا الْعَزِيزُ الْغَفَّارُ» (اللہ کے سوا کوئی سچا معبود نہیں، وہ اکیلا اور سب پر غالب ہے، آسمانوں، زمین اور جو کچھ ان کے درمیان ہے سب کا رب ہے، وہ زبردست اور بہت بخشنے والا ہے)۔“ [صحيح الجامع الصغير وزيادته/باب كان وهي الشمائل الشريفة/حدیث: 4693]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم کوئی بات کہتے تو اسے تین بار دہراتے یہاں تک کہ وہ سمجھ لی جاتی، اور جب آپ صلی اللہ علیہ وسلم کسی قوم کے پاس آ کر انہیں سلام کرتے تو تین بار سلام کرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4694]

(نبی کریم صلی اللہ علیہ وسلم کا معمول تھا:)
”جب آپ صلی اللہ علیہ وسلم تہجد پڑھتے تو ہر دو رکعت کے بعد سلام پھیرتے۔“ [صحيح الجامع الصغير وزيادته/باب كان وهي الشمائل الشريفة/حدیث: 4695]