(نبی کریم صلی اللہ علیہ وسلم نے فرمایا:)
”جو اللہ اور یوم آخرت پر ایمان رکھتا ہو وہ حاملہ باندی سے ہم بستری کر کے اپنا پانی کسی اور کی اولاد کو نہ پلائے۔“ [صحيح الجامع الصغير وزيادته/حرف الميم./حدیث: 6508]

(نبی کریم صلی اللہ علیہ وسلم نے فرمایا:)
”جو اللہ اور یوم آخرت پر ایمان رکھتا ہو وہ ریشم اور سونا نہ پہنے۔“ [صحيح الجامع الصغير وزيادته/حرف الميم./حدیث: 6509]

(نبی کریم صلی اللہ علیہ وسلم نے فرمایا:)
”جس کی فکر آخرت ہو اللہ تعالیٰ اس کی بےنیازی اس کے دل میں ڈال دیتا ہے، اس کے بکھرے ہوئے معاملات جمع کر دیتا ہے اور دنیا ذلیل ہو کر اس کے پاس آتی ہے، اور جس کی فکر دنیا ہو اللہ تعالیٰ اس کی محتاجی اس کی آنکھوں کے سامنے کر دیتا ہے، اس کے معاملات بکھیر دیتا ہے اور دنیا میں سے اسے صرف اتنا ہی ملتا ہے جتنا اس کے لیے مقدر ہو۔“ [صحيح الجامع الصغير وزيادته/حرف الميم./حدیث: 6510]

(نبی کریم صلی اللہ علیہ وسلم نے فرمایا:)
”جس نے اپنے بھائی کی عزت یا مال میں کوئی ظلم کیا ہو تو وہ آج ہی اس سے معافی مانگ لے قبل اس کے کہ وہ دن آئے جب نہ دینار ہوگا نہ درہم، اگر اس کے پاس نیک عمل ہوں گے تو اس کے ظلم کے بقدر اس سے لے لیے جائیں گے، اور اگر اس کے پاس کوئی نیکی نہ ہوگی تو اس کے ساتھی کے گناہوں میں سے لے کر اس پر ڈال دیے جائیں گے۔“ [صحيح الجامع الصغير وزيادته/حرف الميم./حدیث: 6511]

(نبی کریم صلی اللہ علیہ وسلم نے فرمایا:)
”جس کے پاس زمین ہو اور وہ اسے بیچنا چاہے تو وہ اسے پہلے اپنے پڑوسی کو پیش کرے۔“ [صحيح الجامع الصغير وزيادته/حرف الميم./حدیث: 6512]

(نبی کریم صلی اللہ علیہ وسلم نے فرمایا:)
”جس کے پاس زمین ہو وہ خود اس میں کھیتی کرے یا اپنے بھائی کو کھیتی کرنے دے، اور اسے تہائی، چوتھائی یا کسی مقررہ مقدار غلے کے عوض کرائے پر نہ دے۔“ [صحيح الجامع الصغير وزيادته/حرف الميم./حدیث: 6513]

(نبی کریم صلی اللہ علیہ وسلم نے فرمایا:)
”جس کے پاس زمین ہو وہ اس میں کھیتی کرے، اور اگر وہ کھیتی نہ کر سکے اور اس سے عاجز ہو تو وہ اپنے مسلمان بھائی کو بلامعاوضہ دے دے اور اسے کرائے پر نہ دے، اور اگر وہ ایسا نہ کرے تو اپنی زمین خالی روکے رکھے۔“ [صحيح الجامع الصغير وزيادته/حرف الميم./حدیث: 6514]

(نبی کریم صلی اللہ علیہ وسلم نے فرمایا:)
”جس کی دو بیویاں ہوں اور وہ ان میں سے ایک کی طرف جھک جائے (میلان رکھے) تو وہ قیامت کے دن اس حال میں آئے گا کہ اس کا ایک پہلو جھکا ہوا ہوگا۔“ [صحيح الجامع الصغير وزيادته/حرف الميم./حدیث: 6515]

(نبی کریم صلی اللہ علیہ وسلم نے فرمایا:)
”جس کی فکر آخرت ہو اللہ تعالیٰ اس کے بکھرے ہوئے معاملات جمع کر دیتا ہے، اس کی بےنیازی اس کے دل میں ڈال دیتا ہے اور دنیا ذلیل ہو کر اس کے پاس آتی ہے، اور جس کی فکر دنیا ہو اللہ تعالیٰ اس کے معاملات بکھیر دیتا ہے، اس کی محتاجی اس کی آنکھوں کے سامنے کر دیتا ہے اور دنیا میں سے اسے صرف اتنا ہی ملتا ہے جتنا اللہ تعالیٰ نے اس کے لیے لکھ دیا ہے۔“ [صحيح الجامع الصغير وزيادته/حرف الميم./حدیث: 6516]

(نبی کریم صلی اللہ علیہ وسلم نے فرمایا:)
”جس نے علم کو اس کے حق داروں سے چھپایا اسے قیامت کے دن آگ کی لگام پہنائی جائے گی۔“ [صحيح الجامع الصغير وزيادته/حرف الميم./حدیث: 6517]