(نبی کریم صلی اللہ علیہ وسلم نے فرمایا:)
”جس نے اپنے غلام سے سو اوقیہ پر مکاتبت کی، پھر اس نے دس اوقیہ کے سوا سب ادا کر دیے، پھر عاجز آ گیا تو وہ غلام ہی رہے گا۔“ [صحيح الجامع الصغير وزيادته/حرف الميم./حدیث: 6478]

(نبی کریم صلی اللہ علیہ وسلم نے فرمایا:)
”جس کے آخری الفاظ «لَا إِلَهَ إِلَّا اللَّهُ» (اللہ کے سوا کوئی سچا معبود نہیں) ہوں وہ جنت میں داخل ہوگا۔“ [صحيح الجامع الصغير وزيادته/حرف الميم./حدیث: 6479]

(نبی کریم صلی اللہ علیہ وسلم نے فرمایا:)
”جس کا کسی قوم کے ساتھ کوئی معاہدہ ہو تو وہ نہ اسے مزید مضبوط کرے اور نہ توڑے یہاں تک کہ اس کی مدت پوری ہو جائے، یا وہ برابری کی بنیاد پر انہیں معاہدہ ختم کرنے کی اطلاع دے دے۔“ [صحيح الجامع الصغير وزيادته/حرف الميم./حدیث: 6480]

(نبی کریم صلی اللہ علیہ وسلم نے فرمایا:)
”جسے قسم کھانی ہو وہ صرف اللہ کی قسم کھائے۔“ [صحيح الجامع الصغير وزيادته/حرف الميم./حدیث: 6481]

(نبی کریم صلی اللہ علیہ وسلم نے فرمایا:)
”جس نے نماز سے پہلے اپنی قربانی ذبح کر لی وہ اس کی جگہ دوسری ذبح کرے، اور جس نے ابھی ذبح نہیں کی وہ اللہ کے نام سے ذبح کرے۔“ [صحيح الجامع الصغير وزيادته/حرف الميم./حدیث: 6482]

(نبی کریم صلی اللہ علیہ وسلم نے فرمایا:)
”جس نے نماز سے پہلے قربانی کی وہ دوبارہ کرے۔“ [صحيح الجامع الصغير وزيادته/حرف الميم./حدیث: 6483]

(نبی کریم صلی اللہ علیہ وسلم نے فرمایا:)
”جو نرم مزاج، سہل اور نرم دل ہو اللہ تعالیٰ اس پر آگ حرام کر دے گا۔“ [صحيح الجامع الصغير وزيادته/حرف الميم./حدیث: 6484]

(نبی کریم صلی اللہ علیہ وسلم نے فرمایا:)
”جو مسجد میں نماز کا انتظار کرتا رہے وہ اس وقت تک نماز ہی میں شمار ہوتا ہے جب تک اس کا وضو نہ ٹوٹے۔“ [صحيح الجامع الصغير وزيادته/حرف الميم./حدیث: 6485]

(نبی کریم صلی اللہ علیہ وسلم نے فرمایا:)
”جو ہمارا کارندہ ہو اور اس کی بیوی نہ ہو تو وہ اپنے لیے بیوی کا انتظام کر لے، اگر اس کا کوئی خادم نہ ہو تو خادم کا انتظام کر لے، اور اگر اس کا کوئی گھر نہ ہو تو گھر کا انتظام کر لے، اور جو اس کے علاوہ کچھ اور حاصل کرے وہ خیانت کرنے والا یا چور ہے۔“ [صحيح الجامع الصغير وزيادته/حرف الميم./حدیث: 6486]

(نبی کریم صلی اللہ علیہ وسلم نے فرمایا:)
”جس کا کوئی امام ہو تو امام کی قراءت اسی کی قراءت شمار ہوتی ہے۔“ [صحيح الجامع الصغير وزيادته/حرف الميم./حدیث: 6487]