(نبی کریم صلی اللہ علیہ وسلم نے فرمایا:)
”جس نے رات کو سو آیتیں پڑھیں اس کے لیے ایک رات کے قیام کا ثواب لکھا جاتا ہے۔“ [صحيح الجامع الصغير وزيادته/حرف الميم./حدیث: 6468]

(نبی کریم صلی اللہ علیہ وسلم نے فرمایا:)
”جس نے اللہ کی کتاب کا ایک حرف پڑھا اسے اس کے بدلے ایک نیکی ملتی ہے اور ایک نیکی اپنی دس گنا کے برابر ہوتی ہے، میں یہ نہیں کہتا کہ ”الم“ ایک حرف ہے بلکہ الف ایک حرف ہے، لام ایک حرف ہے اور میم ایک حرف ہے۔“ [صحيح الجامع الصغير وزيادته/حرف الميم./حدیث: 6469]

(نبی کریم صلی اللہ علیہ وسلم نے فرمایا:)
”جس نے جمعہ کے دن سورہ کہف پڑھی اس کے لیے دونوں جمعوں کے درمیان نور روشن کر دیا جاتا ہے۔“ [صحيح الجامع الصغير وزيادته/حرف الميم./حدیث: 6470]

(نبی کریم صلی اللہ علیہ وسلم نے فرمایا:)
”جس نے جمعہ کے دن سورہ کہف پڑھی اس کے اور بیت العتیق (خانہ کعبہ) کے درمیان نور روشن کر دیا جاتا ہے۔“ [صحيح الجامع الصغير وزيادته/حرف الميم./حدیث: 6471]

(نبی کریم صلی اللہ علیہ وسلم نے فرمایا:)
”جس نے سورہ اخلاص گیارہ بار پڑھی اللہ تعالیٰ اس کے لیے جنت میں گھر بنا دیتا ہے۔“ [صحيح الجامع الصغير وزيادته/حرف الميم./حدیث: 6472]

(نبی کریم صلی اللہ علیہ وسلم نے فرمایا:)
”جس نے سورہ اخلاص پڑھی تو گویا اس نے قرآن کا تہائی حصہ پڑھا۔“ [صحيح الجامع الصغير وزيادته/حرف الميم./حدیث: 6473]

(نبی کریم صلی اللہ علیہ وسلم نے فرمایا:)
”جس نے اپنے حج اور عمرے کو ملایا (حج قِران کیا) تو دونوں کے لیے ایک ہی طواف کافی ہوگا۔“ [صحيح الجامع الصغير وزيادته/حرف الميم./حدیث: 6474]

(نبی کریم صلی اللہ علیہ وسلم نے فرمایا:)
”جس نے قطع رحمی کی یا جھوٹی قسم کھائی وہ مرنے سے پہلے اس کا وبال دیکھ لے گا۔“ [صحيح الجامع الصغير وزيادته/حرف الميم./حدیث: 6475]

(نبی کریم صلی اللہ علیہ وسلم نے فرمایا:)
”جس نے بیری کا درخت کاٹا اللہ تعالیٰ اس کا سر آگ میں اوندھا کر دے گا۔“ [صحيح الجامع الصغير وزيادته/حرف الميم./حدیث: 6476]

(نبی کریم صلی اللہ علیہ وسلم نے فرمایا:)
”جو کسی مجلس میں بیٹھے اور اس میں اللہ کا ذکر نہ کرے تو یہ اللہ کی طرف سے اس پر ایک حسرت (نقصان) ہے، اور جو کسی جگہ لیٹے اور اس میں اللہ کا ذکر نہ کرے تو یہ بھی اللہ کی طرف سے اس پر ایک حسرت ہے۔“ [صحيح الجامع الصغير وزيادته/حرف الميم./حدیث: 6477]