(نبی کریم صلی اللہ علیہ وسلم نے فرمایا:)
”جو مجھ پر درود بھیجنا بھول جائے وہ جنت کا راستہ گم کر دیتا ہے۔“ [صحيح الجامع الصغير وزيادته/حرف الميم./حدیث: 6568]

(نبی کریم صلی اللہ علیہ وسلم نے فرمایا:)
”جو نماز بھول جائے وہ یاد آنے پر پڑھ لے، کیونکہ اللہ تعالیٰ نے فرمایا ہے: میری یاد کے لیے نماز قائم کرو۔“ [صحيح الجامع الصغير وزيادته/حرف الميم./حدیث: 6569]

(نبی کریم صلی اللہ علیہ وسلم نے فرمایا:)
”جو اپنی نماز میں کچھ بھول جائے وہ بیٹھے بیٹھے دو سجدے کر لے۔“ [صحيح الجامع الصغير وزيادته/حرف الميم./حدیث: 6570]

(نبی کریم صلی اللہ علیہ وسلم نے فرمایا:)
”جو نماز بھول جائے یا سو کر اس سے رہ جائے تو اس کا کفارہ یہ ہے کہ یاد آنے پر اسے پڑھ لے۔“ [صحيح الجامع الصغير وزيادته/حرف الميم./حدیث: 6571]

(نبی کریم صلی اللہ علیہ وسلم نے فرمایا:)
”جو نماز بھول جائے وہ یاد آنے پر پڑھ لے، اس کا کفارہ اس کے سوا کچھ نہیں۔“ [صحيح الجامع الصغير وزيادته/حرف الميم./حدیث: 6572]

(نبی کریم صلی اللہ علیہ وسلم نے فرمایا:)
”جو روزے کی حالت میں بھول کر کھا لے یا پی لے تو وہ اپنا روزہ مکمل کرے، کیونکہ اسے اللہ تعالیٰ ہی نے کھلایا اور پلایا ہے۔“ [صحيح الجامع الصغير وزيادته/حرف الميم./حدیث: 6573]

(نبی کریم صلی اللہ علیہ وسلم نے فرمایا:)
”جس نے اپنے بھائی کی غیر موجودگی میں مدد کی اللہ تعالیٰ دنیا اور آخرت میں اس کی مدد کرے گا۔“ [صحيح الجامع الصغير وزيادته/حرف الميم./حدیث: 6574]

(نبی کریم صلی اللہ علیہ وسلم نے فرمایا:)
”جس نے اپنی قوم کی ناحق مدد کی وہ اس اونٹ کی مانند ہے جو کنویں میں گر جائے اور اسے اس کی دم سے کھینچا جا رہا ہو۔“ [صحيح الجامع الصغير وزيادته/حرف الميم./حدیث: 6575]

(نبی کریم صلی اللہ علیہ وسلم نے فرمایا:)
”جس نے اپنے مقروض کو مہلت دی یا اس کا قرض معاف کر دیا وہ قیامت کے دن عرش کے سائے میں ہوگا۔“ [صحيح الجامع الصغير وزيادته/حرف الميم./حدیث: 6576]

(نبی کریم صلی اللہ علیہ وسلم نے فرمایا:)
”جس نے کسی مومن کی دنیا کی مصیبتوں میں سے کوئی مصیبت دور کی اللہ تعالیٰ قیامت کے دن اس کی مصیبتوں میں سے ایک مصیبت دور فرمائے گا، اور جس نے کسی تنگ دست کے لیے آسانی پیدا کی اللہ تعالیٰ دنیا اور آخرت میں اس کے لیے آسانی پیدا فرمائے گا، اور جس نے کسی مسلمان کی پردہ پوشی کی اللہ تعالیٰ دنیا اور آخرت میں اس کی پردہ پوشی فرمائے گا، اور اللہ تعالیٰ بندے کی مدد میں رہتا ہے جب تک بندہ اپنے بھائی کی مدد میں رہتا ہے، اور جو کسی ایسے راستے پر چلے جس میں وہ علم تلاش کرے اللہ تعالیٰ اس کے لیے جنت کا راستہ آسان کر دیتا ہے، اور جب بھی کوئی قوم اللہ کے گھروں میں سے کسی گھر میں جمع ہو کر اللہ کی کتاب پڑھتی اور آپس میں اس کا مذاکرہ کرتی ہے تو ان پر سکینت نازل ہوتی ہے، رحمت انہیں ڈھانپ لیتی ہے، فرشتے انہیں گھیر لیتے ہیں اور اللہ تعالیٰ انہیں اپنے پاس موجود فرشتوں میں یاد کرتا ہے، اور جسے اس کا عمل پیچھے کر دے اس کا نسب اسے آگے نہیں بڑھا سکتا۔“ [صحيح الجامع الصغير وزيادته/حرف الميم./حدیث: 6577]