(نبی کریم صلی اللہ علیہ وسلم نے فرمایا:)
”جس سے حساب میں کڑی جانچ پڑتال کی گئی وہ عذاب میں مبتلا ہوگا۔“ [صحيح الجامع الصغير وزيادته/حرف الميم./حدیث: 6578]

(نبی کریم صلی اللہ علیہ وسلم نے فرمایا:)
”جس سے حساب میں کڑی جانچ پڑتال کی گئی وہ ہلاک ہو گیا۔“ [صحيح الجامع الصغير وزيادته/حرف الميم./حدیث: 6579]

(نبی کریم صلی اللہ علیہ وسلم نے فرمایا:)
”جس پر نوحہ کیا جائے اسے اس نوحے کی وجہ سے عذاب دیا جاتا ہے۔“ [صحيح الجامع الصغير وزيادته/حرف الميم./حدیث: 6580]

(نبی کریم صلی اللہ علیہ وسلم نے فرمایا:)
”جس نے اپنے بھائی سے ایک سال تک قطع تعلق رکھا تو یہ اس کا خون بہانے کے مترادف ہے۔“ [صحيح الجامع الصغير وزيادته/حرف الميم./حدیث: 6581]

(نبی کریم صلی اللہ علیہ وسلم نے فرمایا:)
”یہ اپنے اونٹ پر لعنت کرنے والا کون ہے؟! اس سے اتر جاؤ، کسی ملعون چیز کو ہمارے ساتھ نہ رکھو، اپنے آپ پر بددعا نہ کرو، اپنی اولاد پر بددعا نہ کرو اور اپنے مال پر بددعا نہ کرو، کہیں ایسا نہ ہو کہ تمہاری بددعا اللہ کی طرف سے قبولیت کی اس گھڑی سے مطابقت کھا جائے جس میں کوئی سوال کیا جائے اور وہ قبول کر لیا جائے۔“ [صحيح الجامع الصغير وزيادته/حرف الميم./حدیث: 6582]

(نبی کریم صلی اللہ علیہ وسلم نے فرمایا:)
”جسے کھجور ملے وہ اسی سے روزہ افطار کرے، اور جسے نہ ملے وہ پانی سے افطار کرے کیونکہ وہ پاک کرنے والا ہے۔“ [صحيح الجامع الصغير وزيادته/حرف الميم./حدیث: 6583]

(نبی کریم صلی اللہ علیہ وسلم نے فرمایا:)
”جسے کوئی ایسا جانور ملے جس کے مالک اسے کھلانے سے عاجز آ کر چھوڑ گئے ہوں، پھر وہ اسے لے کر پال لے اور زندہ رکھے تو وہ جانور اسی کا ہو جائے گا۔“ [صحيح الجامع الصغير وزيادته/حرف الميم./حدیث: 6584]

(نبی کریم صلی اللہ علیہ وسلم نے فرمایا:)
”جس کے پاس گنجائش ہو وہ اپنے کفن کے لیے دھاری دار یمنی کپڑا استعمال کرے۔“ [صحيح الجامع الصغير وزيادته/حرف الميم./حدیث: 6585]

(نبی کریم صلی اللہ علیہ وسلم نے فرمایا:)
”جسے کوئی گری پڑی چیز ملے وہ منصف مزاج گواہ بنا لے، نہ اسے چھپائے اور نہ اس میں کوئی گڑبڑ کرے، پھر اگر اس کا مالک مل جائے تو اسے واپس کر دے، ورنہ یہ اللہ کا مال ہے جسے وہ جسے چاہے دے دیتا ہے۔“ [صحيح الجامع الصغير وزيادته/حرف الميم./حدیث: 6586]

(نبی کریم صلی اللہ علیہ وسلم نے فرمایا:)
”جسے اس وسوسے کا سامنا ہو وہ تین بار کہے: ہم اللہ اور اس کے رسول پر ایمان لائے، تو یہ وسوسہ اس سے دور ہو جائے گا۔“ [صحيح الجامع الصغير وزيادته/حرف الميم./حدیث: 6587]