(نبی کریم صلی اللہ علیہ وسلم نے فرمایا:)
”جس نے دودھ دینے والا جانور عاریتاً دیا وہ صبح بھی صدقہ ہے اور شام بھی صدقہ ہے، اس کا صبح کا دودھ بھی اور شام کا دودھ بھی۔“ [صحيح الجامع الصغير وزيادته/حرف الميم./حدیث: 6558]

(نبی کریم صلی اللہ علیہ وسلم نے فرمایا:)
”جس نے کسی کو قرضِ حسنہ دیا، یا دودھ دینے والا جانور عاریتاً دیا، یا مشکیزہ ہدیہ کیا تو یہ ایک غلام آزاد کرنے کے برابر ہے۔“ [صحيح الجامع الصغير وزيادته/حرف الميم./حدیث: 6559]

(نبی کریم صلی اللہ علیہ وسلم نے فرمایا:)
”جس نے ضرورت سے زائد پانی یا چارہ روکا اللہ تعالیٰ قیامت کے دن اس سے اپنا فضل روک لے گا۔“ [صحيح الجامع الصغير وزيادته/حرف الميم./حدیث: 6560]

(نبی کریم صلی اللہ علیہ وسلم نے فرمایا:)
”جو اپنے رات کے مقررہ وظیفے یا اس کے کسی حصے سے سو جائے پھر اسے فجر اور ظہر کی نماز کے درمیان پڑھ لے تو اللہ تعالیٰ اسے ایسے لکھے گا گویا اس نے رات ہی میں پڑھا۔“ [صحيح الجامع الصغير وزيادته/حرف الميم./حدیث: 6561]

(نبی کریم صلی اللہ علیہ وسلم نے فرمایا:)
”جو اپنی وتر کی نماز سے سو جائے یا اسے بھول جائے تو وہ یاد آنے پر پڑھ لے۔“ [صحيح الجامع الصغير وزيادته/حرف الميم./حدیث: 6562]

(نبی کریم صلی اللہ علیہ وسلم نے فرمایا:)
”جو اپنی وتر کی نماز سے سو جائے وہ صبح ہونے پر پڑھ لے۔“ [صحيح الجامع الصغير وزيادته/حرف الميم./حدیث: 6563]

(نبی کریم صلی اللہ علیہ وسلم نے فرمایا:)
”جو اپنے ہاتھ پر چکنائی لیے سو جائے اور اسے نہ دھوئے، پھر اسے کوئی نقصان پہنچے تو وہ اپنے سوا کسی کو ملامت نہ کرے۔“ [صحيح الجامع الصغير وزيادته/حرف الميم./حدیث: 6564]

(نبی کریم صلی اللہ علیہ وسلم نے فرمایا:)
”جس نے اللہ کی اطاعت کی نذر مانی وہ اطاعت کرے، اور جس نے اللہ کی نافرمانی کی نذر مانی وہ نافرمانی نہ کرے۔“ [صحيح الجامع الصغير وزيادته/حرف الميم./حدیث: 6565]

(نبی کریم صلی اللہ علیہ وسلم نے فرمایا:)
”جس پر کوئی حاجت آ پڑے اور وہ اسے لوگوں کے سامنے پیش کرے تو اس کی حاجت پوری نہیں ہوگی، اور جس پر کوئی حاجت آ پڑے اور وہ اسے اللہ کے سامنے پیش کرے تو اللہ تعالیٰ عنقریب اسے جلد یا بدیر رزق عطا فرما دے گا۔“ [صحيح الجامع الصغير وزيادته/حرف الميم./حدیث: 6566]

(نبی کریم صلی اللہ علیہ وسلم نے فرمایا:)
”جو کسی جگہ قیام کرے اور کہے: میں اللہ کے مکمل کلمات کی پناہ لیتا ہوں اس کی مخلوق کے شر سے، تو اسے وہاں سے کوچ کرنے تک کوئی چیز نقصان نہیں پہنچائے گی۔“ [صحيح الجامع الصغير وزيادته/حرف الميم./حدیث: 6567]