الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
| من كتاب الاستئذان کتاب الاستئذان کے بارے میں 60. باب مَا يُكْرَهُ مِنَ الأَسْمَاءِ: وہ نام جن کا رکھنا مکروہ ہے
سیدنا سمره رضی اللہ عنہ سے مروی ہے کہ نبی کریم صلی اللہ علیہ وسلم نے ہمیں اپنے غلاموں کے یہ چار نام رکھنے سے منع فرمایا: ”افلح، نافع، رباح، اورنجاح۔“
تخریج الحدیث: «إسناده صحيح، [مكتبه الشامله نمبر: 2738]»
اس حدیث کی سند صحیح ہے۔ دیکھئے: [مسلم 2136]، [أبوداؤد 4958]، [ترمذي 2836]، [ابن ماجه 3729]، [ابن حبان 5837] وضاحت:
(تشریح حدیث 2730) «أفلح» اور «نجاح» کے معنی کامیابی، «نافع» اور «رباح» کے معانی فائدہ مند کے ہیں، گو یہ معانی اچھے ہیں لیکن اس سے بدفالی کا پہلو نکلتا ہے شاید اس لئے کراہت ظاہر کی گئی، مثلاً کوئی پوچھے: یہاں رباح یا نجاح ہے؟ تو جواب یہ دیا جائے کہ نہیں ہے، تو اس سے بدفالی مراد ہو سکتی ہے۔ (والله اعلم)۔ قال الشيخ حسين سليم أسد الداراني: إسناده صحيح
 |