حضرت ابن عباس رضی اللہ عنہما فرماتے ہیں کہ نبی پاک حضور صلی اللہ علیہ وآلہ وسلم چٹائی پر نماز پڑھا کرتے تھے۔ [مصنف ابن ابي شيبه/كتاب الصلوات/حدیث: 4064]

حضرت میمونہ فرماتی ہیں کہ نبی پاک حضور صلی اللہ علیہ وآلہ وسلم چٹائی پر نماز پڑھا کرتے تھے۔ [مصنف ابن ابي شيبه/كتاب الصلوات/حدیث: 4065]

حضرت ابو سعید فرماتے ہیں کہ نبی پاک حضور صلی اللہ علیہ وآلہ وسلم نے چٹائی پر نماز ادا فرمائی۔ [مصنف ابن ابي شيبه/كتاب الصلوات/حدیث: 4066]

حضرت ام سلیم فرماتی ہں کہ نبی پاک حضور صلی اللہ علیہ وآلہ وسلم ان کے گھر چٹائی پر نماز ادا فرمایا کرتے تھے۔ [مصنف ابن ابي شيبه/كتاب الصلوات/حدیث: 4067]

حضرت ام کلثوم فرماتی ہیں کہ نبی پاک حضور صلی اللہ علیہ وآلہ وسلم چٹائی پر نماز پڑھا کرتے تھے۔ [مصنف ابن ابي شيبه/كتاب الصلوات/حدیث: 4068]

حضرت عائشہ رضی اللہ عنہا فرماتی ہیں کہ نبی پاک حضور صلی اللہ علیہ وآلہ وسلم چٹائی پر نماز پڑھا کرتے تھے۔ [مصنف ابن ابي شيبه/كتاب الصلوات/حدیث: 4069]

حضرت انس بن مالک رضی اللہ عنہ فرماتے ہیں کہ میری ایک پھوپھی نے نبی پاک حضور صلی اللہ علیہ وآلہ وسلم کے لیے کھانا تیار کیا۔ اور کہا کہ میری خواہش ہے کہ آپ میرے گھر تشریف لائیں اور کھانا کھائیں۔ حضور حضور صلی اللہ علیہ وآلہ وسلم ان کے گھر تشریف لائے تو دیکھا کہ وہاں ایک چٹائی پڑی ہے۔ آپ نے اس چٹائی پر جھاڑو پھیرنے اور پانی چھڑکنے کا حکم دیا، جب وہ صاف ہوگئی تو حضور حضور صلی اللہ علیہ وآلہ وسلم نے بھی اس پر نماز پڑھی اور ہم نے بھی اس پر نماز پڑھی۔ [مصنف ابن ابي شيبه/كتاب الصلوات/حدیث: 4070]

حضرت عبد اللہ بن دینار کہتے ہیں کہ حضرت ابن عمر رضی اللہ عنہما چٹائی پر نماز پڑھا کرتے تھے۔ [مصنف ابن ابي شيبه/كتاب الصلوات/حدیث: 4071]

حضرت یزید الفقیر کہتے ہیں کہ میں نے حضرت جابر بن عبد اللہ رضی اللہ عنہ کو بانس کی بنی چٹائی پر نماز پڑھتے دیکھا ہے۔ [مصنف ابن ابي شيبه/كتاب الصلوات/حدیث: 4072]

حضرت انس رضی اللہ عنہ فرماتے ہیں کہ حضور حضور صلی اللہ علیہ وآلہ وسلم نے چٹائی پر نماز ادا فرمائی۔ [مصنف ابن ابي شيبه/كتاب الصلوات/حدیث: 4073]