حضرت عبد اللہ بن علی رضی اللہ عنہ بن یزید بن رکانہ رحمہ اللہ بیان کرتے ہیں کہ ان کے داد احضرت رکانہ رضی اللہ عنہ نے اپنے بیوی کو قطعی طلاق دی، پھر وہ حضور 5 کی خدمت میں حاضر ہوئے اور آپ سے اس بارے میں سوال کیا تو آپ نے پوچھا کہ اس سے تمہارا ارادہ کیا تھا؟ انہوں نے کہا کہ ایک طلاق کا ارادہ تھا۔ حضور 5 نے پھر پوچھا کہ کیا خدا کی قسم ایک ہی طلاق کا ارادہ تھا؟ انہوں نے فرمایا کہ میں اللہ کی قسم کھا کر کہتا ہوں کہ ایک ہی طلاق کا ارادہ تھا۔ لہٰذا حضور 5 نے ان کے نکاح کو باقی رکھا۔ [مصنف ابن ابي شيبه/كتاب الطلاق/حدیث: 19122]

حضرت علی رضی اللہ عنہ فرماتے ہیں کہ قطعی طلاق تین طلاقیں ہیں۔ [مصنف ابن ابي شيبه/كتاب الطلاق/حدیث: 19123]

حضرت ابن عمر رضی اللہ عنہما فرماتے ہیں کہ قطعی طلاق تین طلاقیں ہیں۔ [مصنف ابن ابي شيبه/كتاب الطلاق/حدیث: 19124]

حضرت عمر اور حضرت عبد اللہ رضی اللہ عنہ ما فرماتے ہیں کہ قطعی طلاق ایک طلاق ہے اور آدمی رجوع کا زیادہ حق دار ہوگا۔ [مصنف ابن ابي شيبه/كتاب الطلاق/حدیث: 19125]

حضرت عمر رضی اللہ عنہ فرماتے ہیں کہ قطعی طلاق ایک طلاق ہے اور آدمی رجوع کا زیادہ حق دار ہوگا۔ [مصنف ابن ابي شيبه/كتاب الطلاق/حدیث: 19126]

ایک اور سند سے یونہی منقول ہے۔ [مصنف ابن ابي شيبه/كتاب الطلاق/حدیث: 19127]

حضرت عمر رضی اللہ عنہ فرماتے ہیں کہ اگر کوئی شخص اپنی بیوی سے کہے کہ تجھے قطعی طلاق ہے تو ایک طلاق بائنہ پڑے گی۔ حضرت علی رضی اللہ عنہ فرماتے ہیں کہ تین طلاقیں ہوں گی جبکہ حضرت شریح رحمہ اللہ فرماتے ہیں کہ ہم اسے اس کی بدعت پر موقوف کریں گے۔ [مصنف ابن ابي شيبه/كتاب الطلاق/حدیث: 19129]