حضرت ابن عباس رضی اللہ عنہما سے مروی ہے کہ حضرت عمر رضی اللہ عنہ کا خبر ملی کہ فلاں شخص شراب بیچتا ہے۔ آپ رضی اللہ عنہ نے فرمایا کیا ہوگیا اس کو اللہ اس کو ہلاک کرے۔ کیا اس کو نہیں معلوم کہ حضور اکرم 5 نے ارشاد فرمایا: یہودیوں پر اللہ کی لعنت ہو، ان پر چربی حرام کی گئی، انہوں نے اس کو پگھلا کر بیچنا شروع کردیا اور اس کے ثمن کو کھالیا۔ [مصنف ابن ابي شيبه/كتاب البيوع والأقضية/حدیث: 22979]

حضرت ابو سعید رضی اللہ عنہ سے مروی ہے کہ ہمارے پاس ایک یتیم بچہ کی شرا ب تھی۔ جب سورة المائدہ میں شراب کی حرمت نازل ہوئی تو ہم نے نبی کریم صلی اللہ علیہ وسلم سے اس کے متعلق دریافت کیا؟ آپ صلی اللہ علیہ وسلم نے فرمایا: اس کو گِرا دو۔ [مصنف ابن ابي شيبه/كتاب البيوع والأقضية/حدیث: 22980]

حضرت عائشہ رضی اللہ عنہا سے مروی ہے کہ جب شراب کی حرمت نازل ہوئی تو نبی کریم صلی اللہ علیہ وسلم منبر پر تشریف فرما ہوئے اور لوگوں کو آیات پڑھ کر سنائیں پھر شراب کی تجارت کو حرام قرار دے دیا۔ [مصنف ابن ابي شيبه/كتاب البيوع والأقضية/حدیث: 22981]

حضرت عائشہ رضی اللہ عنہا رضی اللہ عنہ سے اسی کے مثل قول منقول ہے۔ [مصنف ابن ابي شيبه/كتاب البيوع والأقضية/حدیث: 22982]

حضرت مغیرہ بن شعبہ رضی اللہ عنہ سے مروی ہے کہ نبی کریم صلی اللہ علیہ وسلم نے ارشاد فرمایا: جو شراب کی بیع کرے وہ ایسا ہے گویا کہ اس نے خنزیر کو ذبح کیا (کھانے کے لئے)۔ [مصنف ابن ابي شيبه/كتاب البيوع والأقضية/حدیث: 22983]

حضرت عمر رضی اللہ عنہ نے ارشاد فرمایا: فلاں پر اللہ کی لعنت ہو، وہ پہلا شخص ہے جس نے شراب کی بیع کی اجازت دی، جس چیز کا کھانا اور پینا حلال نہیں اس کی تجارت بھی ٹھیک نہیں۔ [مصنف ابن ابي شيبه/كتاب البيوع والأقضية/حدیث: 22984]

حضرت ابو داؤد فرماتے ہیں کہ میں حضرت حذیفہ رضی اللہ عنہ کے منبر کے قریب بیٹھا ہوا تھا آپ اس وقت مدائن میں تھے۔ آپ نے اللہ کی حمدو ثناء کی پھر فرمایا: اما بعد: لوگو! سن لو شراب کی تجارت کرنے والا اور شراب پینے والا دونوں گناہ میں برابر ہیں۔ اور خبردار خنزیر کو پالنے والا اور اس کا گوشت کھانے والا دونوں گناہ میں برابر ہیں۔ [مصنف ابن ابي شيبه/كتاب البيوع والأقضية/حدیث: 22985]

حضرت عمر رضی اللہ عنہ کو اطلاع ملی کہ ایک شخص شراب کی تجارت سے مال دار ہوا ہے آپ رضی اللہ عنہ نے فرمایا: اس کے تمام مٹکے توڑ دو اور شراب کے تمام جانوروں کو نکال دو۔ [مصنف ابن ابي شيبه/كتاب البيوع والأقضية/حدیث: 22986]

حضرت ابن عمر رضی اللہ عنہما ارشاد فرماتے ہیں کہ شراب کی بیع اور اس کا پینا درست نہیں ہے۔ [مصنف ابن ابي شيبه/كتاب البيوع والأقضية/حدیث: 22987]

حضرت بکر بن عبداللہ رضی اللہ عنہ فرماتے ہیں کہ جب شراب حرام ہوئی تو ہم لوگ خدمت نبوی 5 میں حاضر ہوئے اور عرض کیا: اے اللہ کے رسول 5! کیا ہم اس کو فروخت کر کے اس کے ثمن سے فائدہ اٹھا سکتے ہیں؟ آپ صلی اللہ علیہ وسلم نے ارشاد فرمایا: ساری شراب انڈیل دو۔ [مصنف ابن ابي شيبه/كتاب البيوع والأقضية/حدیث: 22988]