حضرت ابو عبد اللہ العسقلانی فرماتے ہیں کہ مجھے اس شخص نے خبر دی جس نے حضرت ابن محیریز کو دیکھا کہ آپ نے دمشق کی مسجد میں ایک نصرانی سے ہاتھ ملایا۔ [مصنف ابن ابي شيبه/ كتاب الأدب/حدیث: 27384]

حضرت اشعث فرماتے ہیں کہ حضرت حسن بصری مسلمان کے کسی یہودی یا نصرانی سے ہاتھ ملانے کو مکروہ سمجھتے تھے۔ [مصنف ابن ابي شيبه/ كتاب الأدب/حدیث: 27385]

حضرت اشعث فرماتے ہیں کہ حضرت حسن نے ارشاد فرمایا: بیشک مشرکین تو نجس ہیں ان سے مصافحہ مت کرو، جس شخص نے ان سے مصافحہ کرلیا تو اس کو چاہیے کہ وہ وضو کرلے۔ [مصنف ابن ابي شيبه/ كتاب الأدب/حدیث: 27386]

حضرت عبد الملک فرماتے ہیں کہ میں نے حضرت عطاء سے مجوسی سے مصافحہ کرنے کے متعلق سوال کیا؟ تو آپ نے اس کو مکروہ سمجھا۔ [مصنف ابن ابي شيبه/ كتاب الأدب/حدیث: 27387]