حضرت انس رضی اللہ عنہ سے مروی ہے کہ اکیدر نے نبی کریم صلی اللہ علیہ وسلم کیلئے ایک حلوے سے بھرا ہوا مٹکا ہدیہ بھیجا، آنحضرت صلی اللہ علیہ وسلم نے وہ ہمارے درمیان تقسیم کردیا۔ [مصنف ابن ابي شيبه/كتاب السير/حدیث: 35684]

حضرت عروہ رضی اللہ عنہ سے مروی ہے کہ أُکَیْدِرَ نے آنحضرت صلی اللہ علیہ وسلم کیلئے ہدیہ ارسال کیا، آپ صلی اللہ علیہ وسلم نے اس کا ہدیہ قبول فرمایا حالانکہ وہ مشرک تھا۔ [مصنف ابن ابي شيبه/كتاب السير/حدیث: 35685]

حضرت علی رضی اللہ عنہ سے مروی ہے کہ اکیدر نے آنحضرت صلی اللہ علیہ وسلم کیلئے ریشمی کپڑا ہدیہ بھیجا، آنحضرت صلی اللہ علیہ وسلم نے وہ کپڑا حضرت علی رضی اللہ عنہ کو دے کر فرمایا: عورتوں کیلئے اوڑھنی بنا لو۔ [مصنف ابن ابي شيبه/كتاب السير/حدیث: 35686]

حضرت زھری رحمہ اللہ سے مروی ہے کہ آنحضرت صلی اللہ علیہ وسلم نے مشرکین میں سے ایک شخص کا ہدیہ قبول نہیں فرمایا، حضرت زہری فرماتے ہیں کہ پھر آپ صلی اللہ علیہ وسلم کے بعد امراء ان کے ہدایا قبول فرما لیتے تھے۔ [مصنف ابن ابي شيبه/كتاب السير/حدیث: 35687]

حضرت حسن سے مروی ہے کہ عیاض بن حمار نے آنحضرت صلی اللہ علیہ وسلم کیلئے ہدیہ بھیجا آنحضرت صلی اللہ علیہ وسلم نے اس سے فرمایا: اے عیاض! کیا تو مسلمان ہوچکا ہے؟ اس نے عرض کیا کہ نہیں آنحضرت صلی اللہ علیہ وسلم نے اس کا ہدیہ اس کو واپس کردیا اور فرمایا ہم مشرکین کا عطیہ (ہدیہ) قبول نہیں کرتے۔ [مصنف ابن ابي شيبه/كتاب السير/حدیث: 35688]

حضرت عامر رضی اللہ عنہ سے مروی ہے کہ دحیہ الکلبی نے آنحضرت صلی اللہ علیہ وسلم کو ایک جبہ اور دو موزے ہدیہ بھیجا، آپ صلی اللہ علیہ وسلم نے ان کو قبول فرمایا اور ان کو پہنتے رہے یہاں تک کہ وہ پھٹ گئے۔ حضرت شعبی فرماتے ہیں کہ مجھے نہیں معلوم کہ وہ اس کھال کے بنے ہوئے تھے جس سے موزے بنتے ہیں یا نہیں۔ [مصنف ابن ابي شيبه/كتاب السير/حدیث: 35690]

حضرت سعد بن ابراہیم سے مروی ہے کہ مقوقس نے آنحضرت صلی اللہ علیہ وسلم کو ہدیہ ارسال کیا تو آنحضرت صلی اللہ علیہ وسلم نے اس کو قبول فرمایا۔ [مصنف ابن ابي شيبه/كتاب السير/حدیث: 35691]