حضرت عبد اللہ بن حارث رضی اللہ عنہ فرماتے ہیں کہ اصحاب الاعراف کو نہر حیات پر لایا جائے گا، ان کے کنارے سونے کے بانسوں کے ہوں گے۔ موتیوں کا تاج پہنے ہوئے، وہ اس نہر میں نہائیں گے جس کی وجہ سے ان کی گردن سفید ہوجائے گی اور پھر وہ دوبارہ لوٹیں گئے اور نہائیں گے، جب بھی نہائیں گے ان کی سفیدی میں اضافہ ہوگا، ان سے کہا جائے گا جو چاہو تمنا کرو، وہ جو چاہیں گے تمنا کریں گے، ان سے کہا جائے گا تمہارے لیے وہ سب ہے جس کی تم نے تمنا کی اور ستر گنا اور بھی ہے، یہ لو گ مساکین اہل الجنۃ میں سے ہیں۔ [مصنف ابن ابي شيبه/كتاب الجنة/حدیث: 36748]

حضرت مجاہد قرآن کریم کی آیت { فِیہِنَّ قَاصِرَاتُ الطَّرْف } کے متعلق فرماتے ہیں کہ ان کی آنکھیں ان کے خاوندوں پر لگی ہوں گی وہ ان کے علاوہ کسی کو دیکھنے کا ارادہ نہ کریں گی۔ [مصنف ابن ابي شيبه/كتاب الجنة/حدیث: 36749]

حضرت ضحاک رضی اللہ عنہ قرآن کریم کی آیت { کَأَنَّہُنَّ الْیَاقُوتُ وَالْمَرْجَانُ } کی تفسیر میں فرماتے ہیں کہ ان کے رنگ یا قوت کی مانند اور نکھار میں موتیوں کی مانند ہوں گے۔ [مصنف ابن ابي شيبه/كتاب الجنة/حدیث: 36750]

حضرت عبد اللہ بن حارث رضی اللہ عنہ قرآن کریم کی آیت { کَأَنَّہُنَّ الْیَاقُوتُ وَالْمَرْجَانُ } کی تفسیر میں فرماتے ہیں کہ گویا کہ وہ لڑی میں موتیوں کی طرح ہیں۔ [مصنف ابن ابي شيبه/كتاب الجنة/حدیث: 36751]

حضرت مجاہد { کَأَنَّہُنَّ الْیَاقُوتُ وَالْمَرْجَانُ } کی تفسیر میں فرماتے ہیں کہ ان کی پنڈلیوں کی سفیدی کپڑوں کے اندر سے نظر آئے گی جیسے موتیوں کے اندر سے لڑی نظر آتی ہے۔ [مصنف ابن ابي شيبه/كتاب الجنة/حدیث: 36752]

حضرت عکرمہ رضی اللہ عنہ فرماتے ہیں کہ قرآن کریم کی آیت { لَمْ یَطْمِثْہُنَّ إِنْسٌ قَبْلَہُمْ وَلاَ جَانٌّ} سے مراد ہے ہمبستری کرنا۔ [مصنف ابن ابي شيبه/كتاب الجنة/حدیث: 36753]

حضرت سعید بن جبیر رضی اللہ عنہ فرماتے ہیں کہ وطی کرنا مراد ہے۔ [مصنف ابن ابي شيبه/كتاب الجنة/حدیث: 36754]

حضرت ابن زبیر رضی اللہ عنہ قرآن کریم کی آیت { مُدْہَامَّتَانِ } کی تفسیر میں فرماتے ہیں کہ گہرے سبز رنگ دیکھنے میں خوش منظر۔ [مصنف ابن ابي شيبه/كتاب الجنة/حدیث: 36755]

حضرت ابو صالح فرماتے ہیں کہ سبز رنگ کے ہوں گے۔ [مصنف ابن ابي شيبه/كتاب الجنة/حدیث: 36756]

حضرت ابن عباس رضی اللہ عنہما سے بھی یہی تفسیر منقول ہے۔ [مصنف ابن ابي شيبه/كتاب الجنة/حدیث: 36757]