سیدنا انس رضی اللہ عنہ بیان کرتے ہیں: ”حیض تین، چار، پانچ، چھ، سات، آٹھ، نو، دس، (دن تک ہو سکتا ہے)۔“ [سنن الدارقطني/ كِتَابُ الْحَيْضِ/حدیث: 807]

سیدنا انس رضی اللہ عنہ بیان کرتے ہیں: ”حیض کی مدت کم از کم تین دن اور زیادہ سے زیادہ دس دن ہو سکتی ہے۔“ [سنن الدارقطني/ كِتَابُ الْحَيْضِ/حدیث: 808]

سیدنا انس رضی اللہ عنہ بیان کرتے ہیں: ”حیض دس دن سے زیادہ نہیں ہو سکتا۔“ [سنن الدارقطني/ كِتَابُ الْحَيْضِ/حدیث: 809]

سفیان ثوری فرماتے ہیں: ”حیض کی کم سے کم مدت تین دن اور زیادہ سے زیادہ دس دن ہے۔“ [سنن الدارقطني/ كِتَابُ الْحَيْضِ/حدیث: 810]

سیدنا انس رضی اللہ عنہ فرماتے ہیں: ”عورت اس وقت تک حائضہ شمار ہو گی جب تک حیض دس دن تک ہو۔ اگر اس سے زیادہ دن ہو جائیں تو وہ مستحاضہ شمار ہو گی۔“ [سنن الدارقطني/ كِتَابُ الْحَيْضِ/حدیث: 811]

شیخ ابوزرعہ دمشقی فرماتے ہیں: میں نے امام أحمد بن حنبل کو دیکھا۔ انہوں نے جلد بن ایوب کی اس روایت کو تسلیم نہیں کیا۔ میں نے امام أحمد بن حنبل کو یہ فرماتے ہوئے سنا ہے کہ وہ فرماتے ہیں: ”اگر یہ روایت مستند مان لی جائے تو ابن سیرین نے یہ نہیں کہا ہو گا۔“ سیدنا انس بن مالک کی ام ولد کو استحاضہ ہو گیا تو ان لوگوں نے مجھے سیدنا عبداللہ بن عباس رضی اللہ عنہما کے پاس بھیجا تاکہ میں یہ مسئلہ دریافت کروں۔ [سنن الدارقطني/ كِتَابُ الْحَيْضِ/حدیث: 812]

حماد بن زید بیان کرتے ہیں: میں اور جریر بن حازم، جلد بن ایوب کے پاس گئے تو انہوں نے مستحاضہ عورت کے بارے میں یہ روایت سنائی: ”مستحاضہ عورت تین دن، پانچ دن یا سات دن یا دس دن تک انتظار کرے گی، (یعنی ان ایام کو حیض سمجھے گی)۔“ پس ہم گئے اور ہم نے انہیں منع کرنے کی کوشش کی لیکن انہوں نے حیض اور استحاضہ کے درمیان کوئی فرق نہیں کیا۔ [سنن الدارقطني/ كِتَابُ الْحَيْضِ/حدیث: 813]

سیدنا انس رضی اللہ عنہ بیان کرتے ہیں: ”حائضہ عورت تین دن، چار، پانچ دن سے دس دن تک انتظار کرے گی۔ اگر دس دن سے زیادہ خون آئے تو وہ مستحاضہ ہو گی، اور وہ غسل کر کے نماز ادا کرنا شروع کر دے گی۔“ [سنن الدارقطني/ كِتَابُ الْحَيْضِ/حدیث: 814]

عثمان بن ابوالعاص بیان کرتے ہیں: ”ایک یا دو یا تین دن کی وجہ سے عورت مستحاضہ شمار نہیں ہو گی، یہاں تک کہ وہ دس دن تک پہنچ جائے۔ جب دس دن تک پہنچ جائے تو اس کے بعد عورت مستحاضہ شمار ہو گی۔“ [سنن الدارقطني/ كِتَابُ الْحَيْضِ/حدیث: 815]

عثمان بن ابوالعاص ثقفی بیان فرماتے ہیں: ”جس حائضہ عورت کو دس دن کے بعد (خون آتا رہے) تو وہ مستحاضہ شمار ہو گی۔ وہ غسل کر کے نماز ادا کرے گی۔“ [سنن الدارقطني/ كِتَابُ الْحَيْضِ/حدیث: 816]