سیدنا عبداللہ بن عباس رضی اللہ عنہ بیان کرتے ہیں: نبی اکرم صلی اللہ علیہ وسلم نے ایک شخص کے ہاتھ میں سونے کی بنی ہوئی انگوٹھی دیکھی تو اسے اتارا اور ایک طرف رکھ دیا۔، آپ صلی اللہ علیہ وسلم نے ارشاد فرمایا: ”ایک شخص جہنم کے انگارے کی طرف جاتا ہے، اور اسے اپنے ہاتھ میں رکھ لیتا ہے۔“، (راوی بیان کرتے ہیں) جب نبی اکرم صلی اللہ علیہ وسلم تشریف لے گئے، تو ان صاحب سے یہ کہا: گیا: تم اپنی انگوٹھی لو اور اس کے ذریعے نفع حاصل کرو (یعنی اسے فروخت کر کے اس کی قیمت استعمال کرو)، تو اس شخص نے کہا: جی نہیں، اللہ کی قسم! میں اسے کبھی نہیں لوں گا، جب کہ نبی اکرم صلی اللہ علیہ وسلم نے اسے ایک طرف کر دیا ہے۔ [صحیح ابن حبان/المُقَدِّمَةُ/حدیث: 15]